మునిసిపల్‌ కమిషనర్‌కు పీఎం స్వానిధి అవార్డ్‌
ABN , Publish Date - Oct 29 , 2024 | 11:41 PM
చీరాల మునిసిపల్‌ కమిషనర్‌ సయ్యద్‌ అబ్దుల్‌ రషీద్‌ పీఎం స్వానిధి పథకానికి సంబంధించి రాష్ట్రస్థాయి అవార్డు తీసుకున్నారు.
చీరాలటౌన్‌, అక్టోబరు29 : చీరాల మునిసిపల్‌ కమిషనర్‌ సయ్యద్‌ అబ్దుల్‌ రషీద్‌ పీఎం స్వానిధి పథకానికి సంబంధించి రాష్ట్రస్థాయి అవార్డు తీసుకున్నారు. 2023- 24 సంవత్సరానికి సంబంధించి మెప్మా విభాగం ద్వారా సుమారు 3846 మంది వీధి విక్రయిదారులు, చిరు వ్యాపారులకు రుణాలు అందించిన నేపథ్యంలో మంగళవారం విజయవాడ తుమ్మలపల్లి కళాక్షేత్రంలో నిర్వహించిన కార్యక్రమంలో మునిసిపల్‌ శాఖామంత్రి పొంగూరు నారాయణ చేతుల మీదుగా రాష్ట్ర స్థాయి అవార్డును అందుకున్నారు. కార్యక్రమంలో మెప్మా ఎండీ తేజ్‌భరత్‌ కూడా ప్రత్యేకంగా అభినందించారు.
