రోడ్డుపై తుప్పలు.. రాకపోకలకు బేజారు
ABN , Publish Date - Nov 14 , 2024 | 11:45 PM
మండలంలోని రొంపివలస నుంచి ఎన్‌. కొత్తూరు మీదుగా బైదలాపురం వెళ్లే రహదారికి ఇరువైపులా దట్టంగా తుప్పలు పెరగడంతో వాహనచోదకులు, రైతులు భయాందోళన చెందుతున్నారు.
పాతపట్నం నవంబరు 10 (ఆంధ్రజ్యోతి): మండలంలోని రొంపివలస నుంచి ఎన్‌. కొత్తూరు మీదుగా బైదలాపురం వెళ్లే రహదారికి ఇరువైపులా దట్టంగా తుప్పలు పెరగడంతో వాహనచోదకులు, రైతులు భయాందోళన చెందుతున్నారు. ప్రస్తుతం ముమ్మరంగా కోతలు జరుగుతుండడంతో పొలాల నుంచి పంటలను తీసుకొచ్చే రైతులు ఇబ్బందిపడుతున్నారు. దీనికితోడు చీకటిపడిన తర్వాత ఈ మార్గంలో వాహనచోదకులు ఎదురుగా వస్తున్న వాహ నం కనిపించకపోవడంతో ప్రమాదాలకు గురవుతున్నారు. ఈ రోడ్డులో అక్కడక్కడ ఉన్న మలుపుల వద్ద వాహన చోదకులు ఇబ్బందిపడుతున్నారు. ఈ నేపథ్యంలో జంగిల్‌ క్లియరెన్స్‌ చేయాలని రైతులు కోరుతున్నా అధికారులు చర్యలు తీసుకోవడంలేదు.
