రంజీ క్రికెట్‌ పోటీలకు విజయ్‌

టెక్కలి: టెక్కలికి చెందిన త్రిపురాన విజయ్‌ ఆంధ్రా క్రికెట్‌ జట్టు తరఫున రంజీ జట్టుకు ఎంపికైనట్లు ఆంధ్రా క్రికెట్‌ అసోసియేషన్‌ కార్య దర్శి సానా సతీష్‌బాబు నుంచి బుధవారం సమాచారం అందింది. గురు వారం నుంచి అనంతపురంలో ఏసీఏ ఆధ్వర్యంలో జరిగే శిక్షణకు హాజ రు కావాలని ఆయన లేఖలో సూచించారు. విజయ్‌ గత ఏడాది విజయ్‌ హజేరా ట్రోఫీ పోటీలో, సయ్యద్‌ ముస్తాక్‌ ఆలీ టోర్నీలో ఆంధ్ర ప్రదేశ్‌ జట్టులో ప్రాతినిధ్యం వహించాడు అలాగే ఆంధ్రా సీనియర్స్‌ జట్టులో స్థానం పొంది అంత ర్రాష్ట్ర క్రికెట్‌ పోటీల్లో ప్రతిభ కనబరిచాడు. గత ఏడాది ఐపీఎల్‌కు సంబంధించి ముంబై, పంజాబ్‌ కింగ్‌ లెవెన్స్‌ ఫ్రాంచేజ్‌లు విజయ్‌ను ట్రైల్‌కు పిలిచారు. విజయ్‌ తండ్రి కృష్ణమరాజు సమా చారశాఖలో ఉద్యోగిగా పనిచేస్తున్నారు. ప్రస్తుతం టెక్కలిలో ఓ ప్రైవేట్‌ కళాశాలలో డిగ్రీ చదువుతున్న విజయ్‌ రైట్‌ ఆర్మ్‌ ఆఫ్‌స్పిన్నర్‌గా రాణిస్తుండడం విశేషం.