100 కిలోల గంజాయి స్వాధీనం
ABN , Publish Date - Nov 21 , 2024 | 11:47 PM
మన్యం నుంచి మైదాన ప్రాంతానికి తరలిస్తున్న వంద కిలోల గంజాయిని జి.మాడుగుల పోలీసులు గురువారం స్వాధీనం చేసుకుని, ఓ వ్యక్తిని అరెస్టు చేశారు.
ఒకరి అరెస్టు
పాడేరురూరల్‌, నవంబరు 21(ఆంధ్రజ్యోతి): మన్యం నుంచి మైదాన ప్రాంతానికి తరలిస్తున్న వంద కిలోల గంజాయిని జి.మాడుగుల పోలీసులు గురువారం స్వాధీనం చేసుకుని, ఓ వ్యక్తిని అరెస్టు చేశారు. దీనికి సంబంధించి జి.మాడుగుల ఎస్‌ఐ షణ్ముఖరావు తెలిపిన వివరాలు ఇలా వున్నాయి. మండలంలోని ఈదులబైలు జంక్షన్‌ సమీపంలో గురువారం ఉదయం పోలీసులు వాహనాల తనిఖీ చేపడుతున్నారు. అటుగా వస్తున్న కారును ఆపి తనిఖీ చేయగా అందులో వంద కిలోల గంజాయి లభ్యమైంది. గంజాయిని స్వాధీనం చేసుకొని కారులో ఉన్న వ్యక్తిని అరెస్టు చేశారు. నిందితుడికి గంజాయిని విక్రయించిన వ్యక్తి గురించి పోలీసులు ఆరా తీస్తున్నారు. నిందితుడు రాజస్థాన్‌లోని బిల్వాడ జిల్లాకు చెందిన పింటు లోహర్‌గా గుర్తించామని, అతనిని రిమాండ్‌కు తరలించినట్టు ఎస్‌ఐ తెలిపారు.
