పేట, ఎలమంచిలి పోలీస్‌ స్టేషన్లను తనిఖీ చేసిన డీఐజీ
ABN , Publish Date - Nov 21 , 2024 | 11:51 PM
విశాఖ రేంజ్‌ డీఐజీ గోపినాథ్‌ జెట్టి గురువారం పాయకరావుపేట, ఎలమంచిలి పట్టణ పోలీస్‌ స్టేషన్లను తనిఖీ చేశారు.
పాయకరావుపేట, నవంబరు 21 (ఆంధ్రజ్యోతి) : విశాఖ రేంజ్‌ డీఐజీ గోపినాథ్‌ జెట్టి గురువారం పాయకరావుపేట, ఎలమంచిలి పట్టణ పోలీస్‌ స్టేషన్లను తనిఖీ చేశారు. ఎస్పీ తుహిన్‌సిన్హాతో కలిసి డీఐజీ గోపినాథ్‌ జెట్టి వార్షిక తనిఖీల్లో భాగంగా పాయకరావుపేట పట్టణ పోలీస్‌ స్టేషన్‌ని సందర్శించారు. ఈ సందర్భంగా రికార్డులు తనిఖీ చేశారు. పరిసరాలు పరిశీలించి పలు సూచనలు చేశారు. ఆయన వెంట డీఎస్పీ జీఆర్‌ఆర్‌.మోహన్‌, సీఐలు జి.అప్పన్న, కుమారస్వామి, రామకృష్ణ ఉన్నారు.
ఎలమంచిలిలో.. స్థానిక పట్టణ పోలీస్‌ స్టేషన్‌ను గురువారం విశాఖ రేంజ్‌ డీఐజీ గోపీనాథ్‌ జెట్టి సందర్శించారు. ఎస్పీ తుహీన్‌ సిన్హాతో కలిసి ఆయన స్టేషన్‌ పరిసరాలను పరిశీలించారు. స్టేషన్‌లోని పలు కేసులకు సంబంధించిన రికార్డులను తనిఖీ చేశారు. పోలీసింగ్‌ మరింత బాగా చేయాలని సిబ్బందికి సూచించారు. ఈ కార్యక్రమంలో పరవాడ డీఎస్పీ సత్యనారాయణ, సీఐ ధనుంజయరావు, ఎస్‌ఐ సావిత్రి, సిబ్బంది పాల్గొన్నారు.
