జాతీయ స్థాయి హాకీ పోటీలకు నక్కపల్లి విద్యార్థులు
ABN , Publish Date - Nov 19 , 2024 | 11:26 PM
స్థానిక ప్రభుత్వ జూనియర్‌ కళాశాలకు చెందిన నలుగురు విద్యార్థులు జాతీయ స్థాయి అండర్‌-19 హాకీ పోటీలకు ఎంపికైన రాష్ట్రస్థాయి జట్టులో స్థానం పొందారు.
నక్కపల్లి, నవంబరు 19 (ఆంధ్రజ్యోతి): స్థానిక ప్రభుత్వ జూనియర్‌ కళాశాలకు చెందిన నలుగురు విద్యార్థులు జాతీయ స్థాయి అండర్‌-19 హాకీ పోటీలకు ఎంపికైన రాష్ట్రస్థాయి జట్టులో స్థానం పొందారు. ఇటీవల కాకినాడలో నిర్వహించిన అండర్‌-19 రాష్ట్రస్థాయి హాకీ పోటీల్లో బాలుర విభాగంలో మణికంఠ, అనిల్‌, బాలికల విభాగంలో పూజిత, సత్య ఉత్తమ ప్రతిభ కనబరించారు. దీంతో వచ్చే నెలలో జార్ఖండ్‌ రాజధాని రాంచీలో జరగనున్న జాతీయ స్థాయి పోటీల్లో పాల్గొనే రాష్ట్ర జట్టులో స్థానం సంపాదించారు. ఈ సందర్భంగా కళాశాల ప్రిన్సిపాల్‌ కె.శ్రీదేవి హాకీ క్రీడాకారులను అభినందించారు.
