6 నుంచి అంతర్రాష్ట్ర రోడ్డు రవాణా సంస్థల ఉద్యోగుల క్రీడా పోటీలు
ABN , Publish Date - Nov 17 , 2024 | 12:08 AM
దేశంలోని అన్ని రాష్ట్రాలకు చెందిన రోడ్డు రవాణా సంస్థల ఉద్యోగుల క్రీడా పోటీలు డిసెంబరు ఆరు నుంచి విశాఖలో జరగనున్నట్టు ఆర్టీసీ ఎగ్జిక్యూటివ్‌ డైరెక్టర్‌ (అడ్మినిస్ట్రేషన్‌) జీవీ రవివర్మ పేర్కొన్నారు. ఎంవీపీకాలనీలోని ఆర్టీసీ ఈడీ క్యాంప్‌ కార్యాలయంలో శనివారం ఆర్టీసీ అధికారులతో నిర్వహించిన సమావేశంలో ఆయన మాట్లాడుతూ కైలాసగిరి పోలీస్‌ క్రీడా ప్రాంగణంలో ఈ పోటీలు జరుగుతాయన్నారు.
ఆర్టీసీ ఈడీ రవివర్మ
ద్వారకాబస్‌స్టేషన్‌, నవంబరు 16 (ఆంధ్రజ్యోతి): దేశంలోని అన్ని రాష్ట్రాలకు చెందిన రోడ్డు రవాణా సంస్థల ఉద్యోగుల క్రీడా పోటీలు డిసెంబరు ఆరు నుంచి విశాఖలో జరగనున్నట్టు ఆర్టీసీ ఎగ్జిక్యూటివ్‌ డైరెక్టర్‌ (అడ్మినిస్ట్రేషన్‌) జీవీ రవివర్మ పేర్కొన్నారు. ఎంవీపీకాలనీలోని ఆర్టీసీ ఈడీ క్యాంప్‌ కార్యాలయంలో శనివారం ఆర్టీసీ అధికారులతో నిర్వహించిన సమావేశంలో ఆయన మాట్లాడుతూ కైలాసగిరి పోలీస్‌ క్రీడా ప్రాంగణంలో ఈ పోటీలు జరుగుతాయన్నారు. ఈ పోటీల్లో పాల్గొనే క్రీడాకారులకు ఎటువంటి ఇబ్బందులు కలగకుండా రవాణా, వసతి, ఆహారం, మెడికల్‌, సెక్యూరిటీ వంటి వాటిని ఏర్పాటు చేయాలని ఆదేశించారు. సమావేశంలో ఆర్టీసీ విజయనగరం జోన్‌ ఈడీ ఎ.విజయకుమార్‌, సీఎంఈ జీవీ విజయరత్నం, విశాఖ రీజనల్‌ మేనేజర్‌ బి.అప్పలనాయుడు, అనకాపల్లి, విజయనగరం జిల్లాల జిల్లా ప్రజా రవాణాధికారులు కె.పద్మావతి, బి.అప్పలనారాయణ, రీజియన్‌ డీసీటీఎం జి.సత్యనారాయణ, విజయనగరం జోన్‌ డీసీపీఎం ఎం.సుధాబిందు, డీసీఎంఈ కె.శ్రీనివాసరావు, తదితరులు పాల్గొన్నారు.
