స్ర్టాంగ్‌ రూముల్లో ఈవీఎంలు భద్రం
ABN , Publish Date - May 14 , 2024 | 11:16 PM
ఓటింగ్‌ ప్రక్రియ ముగియడంతో ఈవీఎంలను స్ర్టాంగ్‌ రూముల్లో భద్రపరిచారు. లెండి ఇంజినీరింగ్‌ కళాశాలలో చీపురుపల్లి, రాజాం, నెల్లిమర్ల, ఎస్‌.కోట, గజపతినగరం నియోజకవర్గాల ఈవీఎంలను... జేఎన్‌టీయు గుర జాడ విశ్వవిద్యాలయంలో విజయనగరం, బొబ్బిలి నియోజకవర్గాల ఈవీఎంలను భద్రపరిచారు.
స్ర్టాంగ్‌ రూముల్లో ఈవీఎంలు భద్రం
కలెక్టరేట్‌/ విజయనగరం క్రైం, మే 14: ఓటింగ్‌ ప్రక్రియ ముగియడంతో ఈవీఎంలను స్ర్టాంగ్‌ రూముల్లో భద్రపరిచారు. లెండి ఇంజినీరింగ్‌ కళాశాలలో చీపురుపల్లి, రాజాం, నెల్లిమర్ల, ఎస్‌.కోట, గజపతినగరం నియోజకవర్గాల ఈవీఎంలను... జేఎన్‌టీయు గుర జాడ విశ్వవిద్యాలయంలో విజయనగరం, బొబ్బిలి నియోజకవర్గాల ఈవీఎంలను భద్రపరిచారు. జిల్లా ఎన్నికల అధికారి నాగలక్ష్మి, ఎన్నికల పరిశీలకులు హనీష్‌ చాబ్రా, తలాత్‌ పర్వేజ్‌ ఇక్బాల్‌ రోహెల్లా, ఎస్పీ దీపికాపాటిల్‌ సమక్షంలో స్ర్టాంగ్‌ రూమ్‌లకు సీళ్లు వేశారు. సీసీ కెమెరాల నిఘాతో పాటు మూడంచెల సెక్యూరిటీని ఏర్పాటు చేశారు. స్ట్రాంగ్‌ రూమ్‌ల వద్ద తొలుత కేంద్ర బలగాలను, రెండో అంచె వద్ద ఏఆర్‌ సిబ్బంది, మూడో అంచె వద్ద సివిల్‌ పోలీసులను ఏర్పాటు చేశారు. సీఐ క్యాడర్‌ అధికారి నిరంతరం పర్యవేక్షిస్తుంటారు. అదనపు ఎస్పీ ఆష్మాపరహీన్‌ మంగళవారం స్ట్రాంగ్‌ రూమ్‌లను పరిశీలించి సిబ్బందికి పలు సూచనలు ఇచ్చారు.
