AP: క్షుద్ర పూజల కలకలం.. పోలీసుల అదుపులో వైసీపీ నేత..

Andhra Pradesh: ఏపీలో క్షుద్ర పూజలు కలకలం రేపుతున్నాయి. ఓ వైసీపీ కీలక నేత తన బృందంతో కలిసి క్షుద్ర పూజలు చేసినట్లు తెలుస్తుంది. అయితే, ఆ వైసీపీ నేత ఎవరూ? ఎందుకోసం క్షుద్ర పూజలు చేశాడు. అసలేం జరిగింది? అనే విషయాలను తెలుసుకుందాం..

కార్తీక పౌర్ణమి సందర్భంగా..

అన్నమయ్య జిల్లా బి. కొత్తకోట మండలంలో వైసీపీ రాష్ట్ర ప్రధాన కార్యదర్శి వజ్ర భాస్కర్ రెడ్డి ప్రస్తుతం శ్రీ సత్యసాయి జిల్లా మదనపల్లి పోలీసుల అదుపులో ఉన్నారు. బి కొత్తకోట మండలంలో శుక్రవారం రాత్రి కార్తీక పౌర్ణమి సందర్భంగా గుప్త నిధుల కోసం క్షుద్ర పూజలు చేసినట్లు తెలుస్తుంది. మదనపల్లికి చెందిన ఓ వైసీపీ నేతతో కలిసి వజ్ర భాస్కర్ రెడ్డి క్షుద్రపూజల్లో పాల్గొన్నట్లు సమాచారం.

రహస్యంగా...

వజ్ర భాస్కర్ రెడ్డితో పాటు మదనపల్లి వైసీపీ నేతను పోలీసులు రహస్యంగా విచారిస్తున్నారు. వజ్రభాస్కర్ రెడ్డి కదిరికి చెందిన కీలక వైసీపీ నేత కావడంతో కేసును పక్కదోవ పట్టించే యత్నం జరుగుతున్నట్లు తెలుస్తుంది.

ఎవరైనా కూడా శత్రువుల వినాశనం వెంటనే జరగాలని కోరుతూ క్షుద్ర పూజలు చేస్తారు. మరీ వైసీపీ నేత వజ్ర భాస్కర్ రెడ్డి నిజంగా గుప్త నిధుల కోసమే క్షుద్ర పూజలు చేశారా? లేదంటే ఎవరి నాశనమైనా కోరుతూ చేశారా? అనే అనుమానం కలుగుతుంది.

Also Read:

భూకబ్జాలపై బీటెక్ రవి సెన్సేషనల్ కామెంట్స్

కల్లు, గీతా కార్మికుల సంక్షేమం కోసం కీలక నిర్ణయాలు

రాహుల్ గాంధీ బ్యాగులను తనిఖీ చేసిన ఈసీ

For More Telugu and National News