Lord Ganesh: లార్డ్ గణేష్ నుంచి నేర్చుకోవాల్సిన 5 జీవిత సూత్రాలు

హిందూమతంలో అత్యధికంగా ఆరాధించబడే దేవతలలో గణేశుడు(Lord Ganesh) ఒకరు. గణేశుడిని అడ్డంకులను తొలగించేవాడు అని కూడా పిలుస్తారు. అంతేకాదు ఏదైనా శుభకార్యం జరిగినా కూడా ముందు గణేశుడినే పూజిస్తారు. ఈ క్రమంలో ఏదైనా పని లేదా ఆచారాన్ని ప్రారంభించే ముందు వ్యాపారవేత్తలు సహా అనేక మంది గణేశుడి నుంచి పాఠాలు నేర్చుకోవాలని చెబుతారు. అయితే గణేష్ చతుర్థి సందర్భంగా గణనాథుడి నుంచి నేర్చుకోవాల్సిన ఐదు ముఖ్యమైన విషయాలను ఇప్పుడు తెలుసుకుందాం.

వినడం

మీరు మంచి వినేవారిగా ఉండాలని గణేశుడు ఎల్లప్పుడూ సందేశం ఇస్తారు. ఎందుకంటే మాట్లాడటం కంటే ఎక్కువగా వినాలి. ఏదైనా పరిస్థితిని నిర్వహించడానికి మంచి శ్రోతగా ఉండటం చాలా ముఖ్యమని ఎల్లప్పుడూ చెబుతారు. ఈ క్రమంలో మీ జీవితంలో విజయం సాధించడానికి మీరు ఎల్లప్పుడూ మొదట వినాలి. ఆ తర్వాత మాట్లాడాలి. గణేశుడి ఏనుగు చెవి నుంచి తీసుకోగల సందేశం కూడా మంచి శ్రోతగా ఉండటమే.

సమతుల్యత

ప్రతి ఒక్కరి జీవితంలో సమతుల్యతను కాపాడుకోవడం చాలా ముఖ్యం. ఇల్లు, పని లేదా వినోదం ఏదైనా కావచ్చు. కానీ జీవితంలో ఎల్లప్పుడూ సమతుల్యతను పాటించాలి. మీరు గణేష్ విగ్రహాన్ని జాగ్రత్తగా చూసినట్లయితే గణేశుడి ఒక కాలు నేలపై ఉంచి, మరొకటి వంగి ఉన్నట్లు కనిపిస్తుంది. ఇది జీవితంలో సమతుల్యత ప్రాముఖ్యతను మనకు బోధిస్తుంది.

గౌరవించడం

గణనాథుడు ఎల్లప్పుడూ ప్రతి ఒక్కరినీ గౌరవించాలని, అందరితో మర్యాదగా ప్రవర్తించాలని బోధిస్తాడు. ఎవరూ అసమానులు కాదు. మీరు ఎలా ప్రవర్తించాలనుకుంటున్నారో అదే విధంగా ప్రతి ఒక్కరినీ చూడాలని గణేశుడు ఎల్లప్పుడూ మనకు చెబుతాడు. వినాయకుని వాహనం ఎలుక మనందరికీ తెలిసిందే. దీని ద్వారా చిన్న జీవుల పట్ల కూడా వినయం, గౌరవాన్ని చూపించాలి.

తెలివిగా వ్యవహరించడం

మీకు ఎంత జ్ఞానం లేదా శక్తి ఉన్నప్పటికీ మీరు దానిని తప్పుగా ఉపయోగించడం మానుకోవాలి. బదులుగా దానిని సమాజ శ్రేయస్సు కోసం ఉపయోగించాలి. మీ జ్ఞానం, శక్తి మీకు లభించే అత్యంత ఆయుధాలు. అందువల్ల మీరు వాటిని ఇతరులకు హాని కలిగించకుండా తెలివిగా వినియోగించండి. గణేష్ తన జ్ఞానాన్ని, శక్తిని ఎప్పుడూ దుర్వినియోగం చేయలేదు.

లోపాలను అంగీకరించడం

ఎవరూ పరిపూర్ణులు కాదు. ప్రతి ఒక్కరికి లోపాలు ఉంటాయి. కానీ మీరు వాటిని పూర్ణ హృదయంతో అంగీకరించాలి. మీరు మీ లోపాలను మీ బలహీనతలుగా పరిగణించకూడదు. బదులుగా వాటిని మీ బలాలుగా పరిగణించి, వాటిని స్వీకరించాలి. వినాయకుడి విగ్రహం ఏనుగు తలతో కూడిన మానవ శరీరంతో ఉంటుంది. ఆ విధంగా మన శరీరంలో లోపాలు ఉన్నప్పటికీ వాటిని అంగీకరించడం నేర్చుకోవాలని గణనాథుడు మనకు పాఠం నేర్పుతాడు.

ఇవి కూడా చదవండి:

Time Magazine: టైమ్ మ్యాగజైన్ 100 AI జాబితా ప్రభావవంతమైన వ్యక్తుల్లో.. అశ్విని వైష్ణవ్, అనిల్ కపూర్ సహా

Fire Accident: స్కూల్ హాస్టల్లో భారీ అగ్నిప్రమాదం.. 17 మంది విద్యార్థులు సజీవ దహనం

BSNL: జియో, ఎయిర్‌టెల్‌ కట్టడికి బీఎస్ఎన్ఎల్ పెద్ద ప్లాన్.. టాటా సపోర్ట్‌తో ఇక..

Money Saving Tips: రోజు రూ.250 సేవ్ చేయండి.. ఇలా రూ.2 కోట్లు సంపాదించండి..

Read MoreBusiness News and Latest Telugu News