Warranty vs Guarantee: గ్యారెంటీ, వారంటీ మధ్య తేడా మీకు తెలుసా..మోసపోతున్నారా?

ప్రస్తుతం అనేక మంది పలు రకాల ఉత్పత్తులను కొనుగోలు చేస్తారు. అంతేకాదు వాటిని తీసుకునే ముందు వారంటీ ఎన్నేళ్లు ఉందని పరిశీలిస్తారు. కానీ మీకు వారంటీ(Warranty), గ్యారెంటీ(Guarantee) మధ్య తేడాలు తెలుసా? లేదా అయితే ఇక్కడ చుద్దాం. ఇప్పటికీ చాలా మందికి గ్యారెంటీ, వారంటీ మధ్య తేడా తెలియదు. కొంతమందికి వాటిని పర్యాయపదాలుగా తెలుసు. కానీ ఇది నిజం కాదు. వీటిలో ఒక సాధారణ విషయం ఏమిటంటే కస్టమర్ హామీ/వారంటీ ప్రయోజనాన్ని పొందడానికి ధృవీకరించబడిన బిల్లు లేదా హామీ/వారెంటీ కార్డ్‌ని తప్పనిసరిగా కలిగి ఉండాలి. ఈ అవసరమైన పత్రాలను కలిగి ఉన్న తర్వాత కూడా దుకాణదారుడు వస్తువులను మార్చడానికి నిరాకరిస్తే లేదా మరమ్మతు చేయడానికి నిరాకరిస్తే అప్పుడు వినియోగదారుడు వినియోగదారు న్యాయస్థానాన్ని ఆశ్రయించవచ్చు.

వారంటీ అంటే ఏంటి?

ఏదైనా ఉత్పత్తి లేదా వస్తువు పాడైపోయినట్లయితే అదే ఉత్పత్తిని దుకాణదారు/సంస్థ రిపేర్ చేసి కస్టమర్‌కు అందించే ప్రత్యేక వ్రాతపూర్వక పత్రం. దీనినే వారంటీ అంటారు. అయితే దీనిని పొందడానికి కొన్ని షరతులు ఉన్నాయి. మొదటి షరతు ఏమిటంటే కస్టమర్ కొనుగోలు చేసిన వస్తువు కోసం ధృవీకరించబడిన బిల్లు లేదా వారంటీ కార్డును కలిగి ఉండాలి. వస్తువు లేదా ఉత్పత్తి వారంటీ నిర్దిష్ట కాలానికి మాత్రమే ఉంటుంది. చాలా ఉత్పత్తుల విషయంలో ఈ వ్యవధి 1 సంవత్సరం ఉంటుంది. ఈ సమయం ముగిసిన తర్వాత వినియోగదారుడు ఉత్పత్తిని రిపేర్ కోసం దుకాణదారు వద్దకు తీసుకెళ్తే, దానిని రిపేర్ చేయడం దుకాణదారుడి బాధ్యత కాదు.

మరిన్ని వార్తల కోసం ఇక్కడ చూడండి: Mukesh Ambani: 100 బిలియన్ డాలర్ల సంపన్నుల జాబితాలో అడుగుపెట్టిన ముకేశ్ అంబానీ

గ్యారంటీ అంటే ఏమిటి ?

గ్యారెంటీ వ్యవధిలో (సాధారణంగా 1 సంవత్సరం) ఉత్పత్తి పాడైపోయి, ఉత్పత్తిపై 1 సంవత్సరం గ్యారెంటీ రాసి ఉంటే దుకాణదారుడు కస్టమర్‌కు కొత్త ఉత్పత్తిని అందించడానికి బాధ్యత వహిస్తాడు. కాబట్టి పాత లేదా పాడైపోయిన ఉత్పత్తికి బదులుగా కొత్త ఉత్పత్తిని ఇవ్వడాన్ని గ్యారంటీ అంటారు. అయితే దీనిని పొందడానికి కూడా కొన్ని నిబంధనలు ఉన్నాయి. వాటిలో మొదట వినియోగదారులు కొనుగోలు చేసిన వస్తువు కోసం ధృవీకరించబడిన బిల్లు లేదా హామీ కార్డును కలిగి ఉండాలి. పాడైపోయిన ఉత్పత్తిని గ్యారెంటీ వ్యవధి ముగిసేలోపు దుకాణదారునికి తీసుకెళ్లాలి అప్పుడు మాత్రమే ఆ ఉత్పత్తికి బదులుగా కొత్త ఉత్పత్తి అందిస్తారు.

గ్యారెంటీ, వారంటీ మధ్య వ్యత్యాసం

-పాడైన వస్తువు వినియోగదారునికి ఇస్తే వారంటీ కింద ఆ ఉత్పత్తిని దుకాణదారుడు లేదా కంపెనీ రిపేర్ చేస్తుంది. గ్యారెంటీలో మాత్రం ప్రొడక్ట్ పాడైపోయినా లేదా సరిగ్గా పని చేయకపోయినా మీరు దానిని దుకాణదారునికి తీసుకెళ్తే కొత్త ఉత్పత్తిని పొందవచ్చు.

-వారంటీ అనేది నిర్ణీత కాల వ్యవధిలో ఉంటుంది. కానీ ఎక్కువ చెల్లించడం ద్వారా దానిని పొడిగించవచ్చు. కానీ గ్యారంటీని పొడిగించలేము.

-ప్రతి ఉత్పత్తిపై వారంటీ అందుబాటులో ఉంటుంది. కానీ కొన్ని ఎంచుకున్న ఉత్పత్తులపై మాత్రమే గ్యారెంటీ అందుబాటులో ఉంటుంది.