Vinayaka Chavithi Special 2024: ఇంతకీ పండగ శుక్రవారమా? లేక శనివారమా?.. పండితులు ఏం చెబుతున్నారంటే?..

ఇటీవల కాలంలో పర్వదినాలన్నీ ఒక రోజు మధ్యాహ్నం ప్రారంభమై.. మరునాడు సాయంత్రం వరకు ఉంటుంది. దీంతో ఒక రోజు మిగులు తగులు ఉంటుంది. అలాంటి వేళ.. పండగ ఏ రోజు జరుపుకోవాలంటూ భక్తుల్లో ఓ మీమాసం అయితే మొదలవుతుంది. దీనిపై పెద్ద చర్చ జరుగుతుంది. తాజాగా భద్రపద శుద్ద చతుర్థి అంటే వినాయక చవితి పర్వదినం ఏ రోజు జరుపుకోవాలనే కొన్ని సందేహాలు సైతం వ్యక్తమవుతున్నాయి. అలాంటి వేళ.. పంచాంగ కర్తలు ఏం చెబుతున్నారంటే..

వినాయక చవితి ఎప్పుడు?

తెలుగు పంచాంగం ప్రకారం చతుర్థి తిథి సెప్టెంబర్ 6వ తేదీ శుక్రవారం మధ్యాహ్నం 3.00 గంటలకు ప్రారంభమవుతుంది. 2024, సెప్టెంబర్ 7వ తేదీ శనివారం సాయంత్రం 5:35 గంటల వరకు ఆ తిథి కొనసాగుతుంది. హిందూ సంప్రదాయం ప్రకారం సూర్యోదయం మొదలు ఏ తిథి ఉంటే.. అదే రోజు పండుగ నిర్వహించుకోవడం పురాతనంగా ఓ ఆనవాయితీ అయితే కొనసాగుతుంది.

ఈ నేపథ్యంలో సెప్టెంబర్ 7వ తేదీ అంటే శనివారం వినాయక చవితి జరుపుకోవాలని పంచాంగ కర్తలు స్పష్టం చేస్తున్నారు. ఆ రోజు ఉదయం 1.03 గంటల నుంచి మధ్యాహ్నం 1.34 గంటల వరకు శుభ సమయం ఉందని వారు పేర్కొంటున్నారు.

వినాయకుడిని ఎందుకు పూజిస్తారు?

భాద్రపద మాసం. శుద్ధ చవితి రోజు వినాయకునికి పరమశివుడు గణాధిపత్యం ఒసంగిన రోజు. ఆ రోజు తాము చేసే పనిలో ఎటువంటి అడ్డంకులు ఉండకూడదని ప్రతి ఒక్కరు భావిస్తారు. అలాంటి వేళ.. ప్రతి ఒక్కరూ గణపతిని ఆరాధిస్తారు. ఈ నేపథ్యంలోనే వినాయకుడిని విఘ్ననాయకుడిగా పేర్కొంటారు. అతి చిన్న పూజ నుంచి యాగం వరకు ఏ పూజ చేసినా.. ముందుగా గణపతిని పూజించడం సనాతన సంప్రదాయంగా ఆది కాలం నుంచి వస్తుంది. గణపతిని పూజించకుండా ఏ పనిని ఎవరు మొదలు పెట్టరన్న సంగతి అందరికి తెలిసిందే. అందుకు అన్ని పూజల్లో అందరు దేవుళ్లలో విఘ్నశ్వరుడికి అగ్ర తాంబులమిస్తారన్న విషయం విధితమే.

ఇవి కూడా చదవండి..

Vinayaka Chavithi Special 2024: పండగ రోజు విద్యార్థులు ఇలా చేస్తే మాత్రం వారికి తిరుగే ఉండదు..

Vinayaka Chavithi Special 2024: ఏ రాశి వారు ఏ నైవేద్యం పెట్టాలి. ఏ మంత్రం చదివి పూజించాలంటే..

Ganesh Chaturthi 2024: లంబోదరుడి పూజలో 21 రకాల ఆకుల ప్రత్యేకత.. నిమజ్జనం ఎందుకు చేస్తారు

Vinayaka Chavithi 2024: వినాయక చవితి.. విగ్రహ ప్రతిష్టాపనకు శుభ సమయం ఎప్పుడంటే..

Ganesh Chaturthi: వినాయకుడి వ్రత కథ.. వింటే కోటి జన్మల పుణ్యం

Ganesh Chaturthi: వినాయక చవితికి ఎలాంటి విగ్రహాన్ని పూజలో ఉంచితే మంచిది? వాటి ఫలితాలు ఎలా ఉంటాయి?

మరిన్ని ఆధ్యాత్మిక వార్తల కోసం.. ఇక్కడ క్లిక్ చేయండి.