Snore Effects: గురక ఇంత డేంజరా.. సింపుల్‌ టిప్స్‌తో ఇలా తగ్గించుకోవచ్చు

ఇంటర్నెట్ డెస్క్: నిద్రపోతున్నప్పుడు గురక రావడం సహజం. కానీ రోజూ గురక పెడుతుంటే మీ ఆరోగ్యం ప్రమాదంలో పడినట్లే. పెద్దగా గురక పెట్టడం వల్ల అనేక ఆరోగ్య సమస్యలు వస్తాయని డాక్టర్లు చెబుతున్నారు. గురక(Snore Effects) కారణంగా, హైపర్‌టెన్షన్, షుగర్, గుండెపోటు, బ్రెయిన్ స్ట్రోక్ వచ్చే ప్రమాదం పెరుగుతుంది. అటువంటి పరిస్థితిలో సకాలంలో చికిత్స చేయకపోతే, అది ప్రాణాంతకం కావచ్చు. గురక రాకుండా ఉండాలంటే ఏం చేయాలో తెలుసుకుందాం.

గురక దుష్ప్రభావాలు

• స్లీప్ అప్నియా

• షుగర్, బీపీ సమస్యలు

• కొలెస్ట్రాల్ పెరుగుదల

• బ్రెయిన్ స్ట్రోక్

వీరు ఎక్కువగా గురక పెడతారు..

• అధిక బరువు ఉన్నవారు గురకతో ఎక్కువ సమస్యలను ఎదుర్కొంటారు.

• టాన్సిల్స్‌తో బాధపడుతుంటే గురక సమస్య కూడా ఉండవచ్చు.

• సైనస్ రోగులు కూడా గురకతో బాధపడుతుంటారు.

గురకను ఎలా నియంత్రించాలి?

1. పడుకునే స్థితిని మార్చండి

మీరు వెల్లకిల పడుకున్నట్లయితే మీ నాలుక, అంగిలి కూలబడిపోయి శ్వాస మార్గాన్ని తగ్గిస్తాయి. ఇది గురకకు దారితీస్తుంది. గురకను నివారించాలంటే పక్కకు గానీ, లేదు పొట్టపై గానీ అనగా బొర్లా పడుకుంటే చాలావరకు గురకను తగ్గించవచ్చు.

2. బరువు తగ్గండి

అధిక బరువు, ముఖ్యంగా మెడ, గొంత ప్రాంతం చుట్టూ ఫ్లెష్ పెరిగినప్పుడు వాయుమార్గంపై ప్రెజర్ పెంచి గురకకు కారణం అవుతుంది. బరువు తగ్గితే మీ గురక తగ్గడమే కాదు మొత్తం ఆరోగ్యాన్ని మెరుగుపరుస్తుంది.

3. ధూమపానం మానేయండి

పొగ తాగడం శ్వాస నాళాన్ని ఇబ్బందులకు గురిచేస్తుంది. దీనివలన వాపు, మూసుకు పోయే అవకాశం ఉంది. ఇది గురకకు దారితీస్తుంది. పొగతాగడం మానేస్తే శ్వాసమంట తగ్గుతుంది, శ్వాసను మెరుగుపరుస్తుంది, గురక తగ్గుతుంది.

4. మద్యం, మత్తుమందులను నివారించండి

ఆల్కహాల్, మత్తుమందులు,నిద్ర మాత్రలు కూడా గురకకు కారణం అవుతాయి. మీ గొంతులోని కండరాలను సడలిపోయేలా చేస్తాయి. దీంతో గురకను మరింత తీవ్రతరం అవుతుంది. నిద్ర నాణ్యతను మెరుగుపరచడానికి నిద్రించేముందు ఈ పదార్ధాలను నివారించాలని డాక్టర్లు చెబుతున్నారు.

5. ముక్కుని శుభ్రంగా ఉంచుకోండి

ముక్కులోని భాగాలు మూసుకుపోయి ఉన్నా నిద్రపోతున్నపుడు శ్వాస తీసుకోవడంలో ఇబ్బందులను కలిగిస్తుంది, గురక తీవ్రతను పెంచుతుంది. ముక్కు భాగాలను స్పష్టంగా ఉంచడానికి, గురకను తగ్గించడానికి,శ్వాసను మెరుగుపరచడానికి నాసల్ డీకోంగెస్టెంట్‌లను వినియోగించాలని చెబుతున్నారు.

6. మంచి నిద్ర పరిశుభ్రత పాటించండి

సాధారణ నిద్ర షెడ్యూల్‌కు కట్టుబడి ఉండండి. విశ్రాంతి తీసుకునే నిద్రవేళ దినచర్యను ఏర్పాటు చేసుకోండి. నిద్రకు అనువైన వాతావరణాన్నిసృష్టించుకోండి. మంచి నిద్ర పరిశుభ్రత గురకను తగ్గిస్తుంది.నిద్ర నాణ్యతను పెంచడంలో సాయపడుతుంది.

7. గొంతు వ్యాయామాలు చేయాలి

గొంతు, నాలుకలోని కండరాలను బలోపేతం చేయడం ద్వారా కూడా గురక తగ్గించుకోవచ్చు. పాడటం, గాలి వాయిద్యం వాయించడం లేదా నాలుక స్లైడ్‌లు, లిప్ ట్రిల్స్ వంటి నిర్దిష్ట గొంతు వ్యాయామాలు చేయడం ద్వారా గురకను నివారించవచ్చు.

8. మీ దిండ్లను క్రమం తప్పకుండా మార్చండి

తరచుగా దిండులపై పేరుకుపోయే దుమ్ము పురుగులు గురకకు మరో కారణం కావచ్చు. దీనితో పాటు, పెంపుడు జంతువులను బెడ్‌పైకి అనుమతించడం వలన మీరు జంతువుల చర్మాన్ని పీల్చుకోవచ్చు. ఇది సాధారణ చికాకును కలిగిస్తుంది. దిండ్లను వారానికి ఒకటి లేదా రెండుసార్లు ఎయిర్ ఫ్లఫ్ సైకిల్‌లో ఉంచాలని లేదా సంవత్సరానికి రెండుసార్లు మార్చుతూ గురకను నివారించవచ్చు.

9. హైడ్రేటెడ్‌గా ఉండండి

డీహైడ్రేషన్ కారణంగా ముక్కులో ఉండే స్రావాలు అతుక్కుపోతాయి. ఇది తరచుగా గురకను పెంచుతుంది. మీరు మీ రోజువారీ నీటి అవసరాలకు సరిపడా నీరు తీసుకొని రోజంతా హైడ్రేటెడ్‌గా ఉండేలా చూసుకోవాలి. మీ ఆహారంలో నీరు అధికంగా ఉండే ఆహారాన్ని చేర్చుకొని హైడ్రేటెడ్‌గా ఉండాలి.

మీరు గురక లేదా నిద్ర సరిగాపట్టకపోవడం వంటి సమస్యలు ఎక్కువగా ఉంటే వెంటనే డాక్టర్‌ను సంప్రదించాలి. ఎందుకంటే ఇవి ముదిరితే స్లీపింగ్ అప్నీయా వంటి తీవ్రమైన అనారోగ్య సమస్యలకు ఇవి సంకేతం కావచ్చు