Bullet Train: గంటకు 450 కి.మీ. వేగం
ABN , Publish Date - Dec 30 , 2024 | 04:22 AM
గంటకు గరిష్ఠంగా 450కిలోమీటర్ల వేగంతో ప్రయాణించగల బుల్లెట్‌ రైలును చైనా పరీక్షించింది.
సరికొత్త బుల్లెట్‌ రైలును పరీక్షించిన చైనా
సీఆర్‌ 450గా పేరు.. త్వరలో అందుబాటులోకి
బీజింగ్‌, డిసెంబరు 29: గంటకు గరిష్ఠంగా 450కిలోమీటర్ల వేగంతో ప్రయాణించగల బుల్లెట్‌ రైలును చైనా పరీక్షించింది. ఈ రైలుకు సీఆర్‌ 450 అని పేరు పెట్టారు. రెండు మూడు నెలల్లో ఇది ప్రయాణ సేవలకు అందుబాటులోకి రానుంది. తద్వారా ప్రపంచంలోనే అత్యంత వేగవంతమైన రైలుగా రికార్డు సృష్టించనుంది. ఈ రైలు సగటున గంటకు 400కిలోమీటర్ల వేగంతో ప్రయాణిస్తుందని అధికారులు తెలిపారు. బుధవారం తియాన్‌జిన్‌, బీజింగ్‌ నగరాల మధ్య ఈ రైలును పరీక్షించారు. అంతకుముందు నవంబరులోనూ దీన్ని పరీక్షించారు. అప్పుడే ఈ రైలు పట్టాలపై వెళ్తున్న వీడియోలు లీక్‌ అయ్యాయి.
