సిరియాలో 300 మంది రెబల్స్‌ హతం
ABN , Publish Date - Dec 02 , 2024 | 03:10 AM
సిరియాలో మళ్లీ అంతర్యుద్ధ భయాందోళనలు నెలకొంటున్న వేళ ఆ దేశానికి రష్యా మద్దతుగా నిలిచింది.
అలెప్పో, డిసెంబరు 1: సిరియాలో మళ్లీ అంతర్యుద్ధ భయాందోళనలు నెలకొంటున్న వేళ ఆ దేశానికి రష్యా మద్దతుగా నిలిచింది. సిరియా అధ్యక్షుడు బషర్‌ అల్‌- అస్సద్‌కు వ్యతిరేకంగా ఒకప్పటి అల్‌ఖైదా అనుబంధ సంస్థ హయాత్‌ తహ్‌రీర్‌ అల్‌- షమ్‌ తిరుగుబాటు జెండా ఎగురవేసి ఒక్కో పట్టణాన్ని ఆక్రమిస్తూ వెళుతున్న క్రమంలో ఆదివారం తాము సిరియాలో తిరుగుబాటుదారులపై వైమానిక దాడులు జరిపినట్లు రష్యా రక్షణ మంత్రిత్వశాఖ తెలిపింది. ఈ దాడుల్లో హయాత్‌ తహ్‌రీర్‌ అల్‌- షమ్‌ సంస్థ ముఖ్య నాయకులు అహ్మద్‌ హుస్సేన్‌ అల్‌ షరా, అకా అబూ మహమ్మద్‌ అల్‌ జురానీ సహా 300 మంది తిరుగుబాటుదారులు మృతి చెందినట్లు వెల్లడించింది. కాగా, ఆదివారం తిరుగుబాటుదారులు సిరియాలో రెండో అతిపెద్ద నగరమైన అలెప్పోను ఆక్రమించారు.
