Slovak PM Shot: ప్రధానిపై కాల్పులు.. పరిస్థితి విషమం..

Slovak PM Robert Fico: స్లోవేకియా ప్రధాన మంతరి రాబర్ట్ ఫికోపై(Slovak PM Robert Fico) దుండగులు కాల్పులు జరిపారు. ఈ కాల్పుల్లో ఫికో తీవ్రంగా గాయపడ్డాడు. హాండ్లోవాలో(Handlova) క్యాబినెట్ సమావేశం అనంతరం బయటకు వెళ్తున్న ఫికోపై దుండగుడు తన వెంట తెచ్చుకున్న గన్‌తో పలుమార్లు షూట్ చేశాడు. దీంతో ఫికో ఒక్కసారిగా కుప్పకూలిపోయాడు. వెంటనే అలర్ట్ అయిన సెక్యూరిటీ సిబ్బంది.. ప్రధాని ఫికోను కారులో ఆస్పత్రికి తరలించారు. ఆయన పరిస్థితి విషమంగా ఉందని.. చికిత్స అందుతోందని ప్రభుత్వ వర్గాలు తెలిపాయి. అదే సమయంలో ఫికోపై కాల్పులు జరిపిన నిందితుడిని భద్రతా సిబ్బంది అదుపులోకి తీసుకున్నారు.

రాబర్ట్ ఫికో గతేడాదే స్లోవేకియా ప్రధానిగా ఎన్నికయ్యారు. ఫికో క్రెమ్లిన్‌కు అనుకూలమనే ఆరోపణలు ఉన్నాయి. ఈ నేపథ్యంలోనే.. ఆయనపై కక్ష పెంచుకున్న దుండగులు పక్కా ప్లాన్ ప్రకారం కాల్పులు జరిపారు. ఈ దాడిని యూరోపియన్ యూనియన్ దేశాల అధినేతలు తీవ్రంగా ఖండించారు. ఫికో త్వరగా కోలుకోవాలని ఆకాంక్షించారు.

For More International News and Telugu News..