National :చంద్రుడి దక్షిణ ధ్రువంపై దిగిన చైనా స్పేస్‌ క్రాఫ్ట్‌
ABN , Publish Date - Jun 03 , 2024 | 06:07 AM
అంతరిక్ష ప్రయోగాల్లో చైనా మరో ఘనత సాధించింది. చంద్రుడి దక్షిణ ధ్రువంపై తమ స్పేస్‌ క్రాఫ్ట్‌ను రెండోసారి విజయవంతంగా ల్యాండ్‌ చేసింది. బీజింగ్‌ కాలమానం ప్రకారం ఆదివారం ఉదయం 6.23 గంటలకు తమ స్పేస్‌ క్రాఫ్ట్‌ చాంగే-6 చంద్రుడి దక్షిణ ధ్రువంలోని ఏకెన్‌ బేసిన్‌ వద్ద ల్యాండ్‌ అయినట్లు చైనా నేషనల్‌ స్పేస్‌ అడ్మినిస్ట్రేషన్‌(సీఎన్‌ఎ్‌సఏ) ప్రకటించింది.
అక్కడి నుంచి 2 కిలోల మట్టి, రాళ్ల నమూనాలను తేవడమే లక్ష్యం
బీజింగ్‌, జూన్‌ 2: అంతరిక్ష ప్రయోగాల్లో చైనా మరో ఘనత సాధించింది. చంద్రుడి దక్షిణ ధ్రువంపై తమ స్పేస్‌ క్రాఫ్ట్‌ను రెండోసారి విజయవంతంగా ల్యాండ్‌ చేసింది. బీజింగ్‌ కాలమానం ప్రకారం ఆదివారం ఉదయం 6.23 గంటలకు తమ స్పేస్‌ క్రాఫ్ట్‌ చాంగే-6 చంద్రుడి దక్షిణ ధ్రువంలోని ఏకెన్‌ బేసిన్‌ వద్ద ల్యాండ్‌ అయినట్లు చైనా నేషనల్‌ స్పేస్‌ అడ్మినిస్ట్రేషన్‌(సీఎన్‌ఎ్‌సఏ) ప్రకటించింది.
2019లో చాంగే-4 స్పేస్‌ క్రాఫ్ట్‌ను కూడా చైనా దక్షిణ ధ్రువంపైనే దింపి ఆ ఘనత సాధించిన ఏకైక దేశంగా అప్పట్లో రికార్డు సృష్టించింది. చాంగే-6 స్పేస్‌ క్రాఫ్ట్‌ను మే 3న అంతరిక్షంలోకి ప్రయోగించారు. ఇందులో ఆర్బిటర్‌, ల్యాండర్‌, అసెండర్‌, రీఎంట్రీ అనే 4 రకాల మాడ్యూల్స్‌ ఉన్నాయి.
చంద్రుడి దక్షిణ ధ్రువంపై 2 కిలోల రాళ్లు, మట్టి నమూనాలను చాంగే-6 ప్రయోగం ద్వారా భూమిపైకి తీసుకురావాలని చైనా లక్ష్యంగా పెట్టుకొంది. నమూనాల సేకరణ 14 గంటల్లో పూర్తయ్యేలా మిషన్‌కు రూపకల్పన చేసింది. చాంగే-6 ల్యాండింగ్‌ ప్రయోగం విజయవంతం కావడంతో 2030లో చంద్రుడిపైకి వ్యోమగాములను పంపేందుకు చైనా యత్నిస్తోంది. కాగా, తాజా ప్రయోగంలో చైనా.. ఫ్రాన్స్‌, ఇటలీ, యూరోపియన్‌ స్పేస్‌ ఏజెన్సీలతో పాటు పాకిస్థాన్‌కు చెందిన పేలోడ్‌ను కూడా అంతరిక్షంలోకి తీసుకువెళ్లింది.
