Delhi : ఆంక్షలు విధించడానికి వెనుకాడబోం
ABN , Publish Date - May 15 , 2024 | 03:15 AM
ఇరాన్‌లోని చాబహార్‌ పోర్టు నిర్వహణకు ఆ దేశంతో భారత్‌ ఒప్పందం కుదుర్చుకున్న కొన్ని గంటల్లోనే అమెరికా తీవ్రంగా స్పందించింది. ఇరాన్‌తో వ్యాపార లావాదేవీలు జరిపే దేశాలపై తాము ఆంక్షలు విధించడానికి వెనుకాడబోమని భారత్‌ను హెచ్చరించింది.
‘చాబహార్‌ ఒప్పందం’పై భారత్‌కు అమెరికా హెచ్చరిక
న్యూఢిల్లీ, మే 14: ఇరాన్‌లోని చాబహార్‌ పోర్టు నిర్వహణకు ఆ దేశంతో భారత్‌ ఒప్పందం కుదుర్చుకున్న కొన్ని గంటల్లోనే అమెరికా తీవ్రంగా స్పందించింది. ఇరాన్‌తో వ్యాపార లావాదేవీలు జరిపే దేశాలపై తాము ఆంక్షలు విధించడానికి వెనుకాడబోమని భారత్‌ను హెచ్చరించింది. అమెరికా విదేశాంగ శాఖ అధికార ప్రతినిధి వేదాంత్‌ పటేల్‌ మీడియాతో మాట్లాడుతూ ఈ ఒప్పందం అంశాన్ని ప్రస్తావించారు. ఇరాన్‌పై అమెరికా విధించిన ఆంక్షలు కొనసాగుతూనే ఉంటాయని పేర్కొంటూ ఆ దేశంతో వ్యాపార లావాదేవీలు జరిపే ఎవరైనా కూడా ఆంక్షల ఛట్రంలో పడే ప్రమాదం ఉందన్న విషయం గుర్తుంచుకోవాలని వ్యాఖ్యానించారు.
