Madhya Pradesh: ఈవీఎంలను తీసుకెళ్తున్న బస్సులో మంటలు
ABN , Publish Date - May 09 , 2024 | 03:50 AM
మధ్యప్రదేశ్‌లో ఎన్నికల సిబ్బందిని, ఈవీఎంలను తీసుకువెళుతోన్న బస్సు అగ్నిప్రమాదానికి గురవడంతో నాలుగు ఈవీఎంలు పాడయ్యాయి.
బేతుల్‌(మధ్యప్రదేశ్‌), మే 8: మధ్యప్రదేశ్‌లో ఎన్నికల సిబ్బందిని, ఈవీఎంలను తీసుకువెళుతోన్న బస్సు అగ్నిప్రమాదానికి గురవడంతో నాలుగు ఈవీఎంలు పాడయ్యాయి. మధ్యప్రదేశ్‌లోని బేతుల్‌ జిల్లాలో ఈ ఘటన చోటు చేసుకుంది. అయితే ఎన్నికల సిబ్బంది, బస్సు డ్రైవర్‌కు ఎటువంటి ప్రమాదం జరగలేదని బేతుల్‌ కలెక్టర్‌ నరేంద్ర సూర్యవంశి చెప్పారు.
గోల గ్రామంలో మంగళవారం ఉదయం 11 గంటలకు ఈ ఘటన జరిగింది. కాలిపోయిన నాలుగు ఈవీఎంలలో నమోదైన ఓట్ల పరిస్థితి ఏమిటన్న ప్రశ్నకు కలెక్టర్‌ సమాధానమిస్తూ... ఎన్నికల సంఘానికి తాను నివేదిక పంపుతానని, రీపోలింగ్‌ నిర్వహించాలా... లేదా ఏం చేయాలన్న దానిపై ఎన్నికల సంఘమే నిర్ణయం తీసుకుంటుందని చెప్పారు.
