ఇజ్రాయెల్‌తో సంధికి మేం సిద్ధమే: హమాస్‌
ABN , Publish Date - Nov 28 , 2024 | 04:26 AM
ఇజ్రాయెల్‌-హెజ్‌బొల్లా మధ్య కాల్పుల విరమణ ఒప్పందం కుదిరిన నేపథ్యంలో.. హమాస్‌ కూడా కాల్పుల విరమణకు సిద్ధమంటూ ప్రకటించింది.
టెల్‌ అవీవ్‌, నవంబరు 27: ఇజ్రాయెల్‌-హెజ్‌బొల్లా మధ్య కాల్పుల విరమణ ఒప్పందం కుదిరిన నేపథ్యంలో.. హమాస్‌ కూడా కాల్పుల విరమణకు సిద్ధమంటూ ప్రకటించింది. గాజా స్ట్రిప్‌లో కాల్పుల విరమణ ఒప్పందానికి సుముఖత వ్యక్తం చేసింది. ‘కాల్పుల విరమణ, ఖైదీల మార్పిడి ఒప్పందానికి మేం సిద్ధంగా ఉన్నాం. ఈ విషయాన్ని ఈజిప్టు, ఖతార్‌, తుర్కియేలోని మధ్యవర్తులకు తెలియజేశాం’ ఓ ప్రకటనలో వెల్లడించింది. ఇజ్రాయెల్‌ షరతులకు హెజ్‌బొల్లా ససేమిరా అన్నప్పటికీ ఆ దేశ ప్రధాని బెంజమిన్‌ నెతన్యాహు శాంతి ఒప్పందానికి అంగీకరించారని.. పశ్చిమాసియాలో బలప్రయోగం ద్వారా ఏదైనా సాధించవచ్చనే ఆయన భ్రమలు పటాపంచలయ్యాయని పేర్కొంది.
