Viral: ముంబైలో మెరూన్ 5 కాన్సర్ట్.. టిక్కెట్లు ఇలా బుక్ చేసుకోండి!

ఇంటర్నెట్ డెస్క్: పాప్ మ్యూజిక్ అభిమానులకు ఓ గుడ్ న్యూస్. పాప్యులర్ అమెరికన్ పాప్ బాండ్ త్వరలో భారత్‌లో పర్యటించనుంది. భారత్‌లో ఈ బృందం పర్యటించడం ఇదే తొలిసారి కావడంతో అభిమానుల్లో ఆసక్తి ఆకాశాన్నటుంటోంది. డిసెంబర్ 3న ముంబైలోని మహాలక్ష్మీ రేసు కోర్సులో ఈ బ్యాండ్ మ్యూజిక్ ఈవెంట్‌ను ఏర్పాటు చేశారు.

ఈ కాన్సర్ట్‌కు సంబంధించిన టిక్కెట్లు నవంబర్ 8 మధ్యాహ్నం 2 గంటల నుంచి బుక్ మై షోలో అందుబాటులోకి రానున్నాయి. అయితే, కోటక్ క్రెడిట్ కార్డుదారులు మాత్రం ఎర్లీ యాక్సెస్‌ కింద నవరబర్ 6 మధ్యాహ్నం 12 గంటల నుంచే బుక్ మై షో ద్వారా టిక్కెట్స్ బుక్ చేసుకోవచ్చు. సోషల్ మీడియా ద్వారా బుక్ మై షో సంస్థ ఈ విషయాన్ని ధ్రువీకరించింది.

ఆన్‌లైన్‌లో టిక్కెట్స్ బుక్ చేయదలిచిన వారు ముందుగా బుక్‌మైషో యాప్‌ను తమ ఫోన్లల్లో ఇన్‌స్టాల్ చేసుకోవాలి.

ఈ యాప్‌ను కొత్తగా ఇన్‌స్టాల్ చేసుకుంటున్నట్టైతే ముందుగా అకౌంట్ క్రియేట్ చేసుకోవాలి. ఆ తరువాత నవంబర్ 8 నుంచి నచ్చిన టిక్కెట్లు కొనుగోలు చేయొచ్చు.

కోటక్ క్రెడిట్ కార్డు ఉన్న వారు మాత్రం తమ అకౌంట్ ద్వారా యాప్‌లో లాగిన్ అయ్యి నవంబర్ 6 నుంచి టిక్కె్ట్లు బుక్ చేసుకోవచ్చు.

కాలిఫోర్నియాలోని లాస్ ఏంజిలిస్‌కు చెందిన మెరూన్ 5 బ్యాండ్‌లో ప్రధాన సభ్యడు ఆడమ్ లెవీన్‌తో పాటు జెస్సీ కార్మైకల్, జేమ్స్ వాలెంటైన్, మాట్ ఫ్లిన్, పీజే మోర్టన్, శామ్ ఫారర్ ఉన్నారు.

తొలుత ఈ బ్యాండ్ కారాస్ ఫ్లవర్స్ పేరిట 1994లో ఏర్పాటైంది. కొన్నేళ్లకే బ్యాండ్ విడిపోయింది. ఆ తరువాత మళ్లీ 2001లో బ్యాండ్ సభ్యులందరూ ఒక్కచోటకు వచ్చి మరూన్ 5 పేరిట తమ బ్యాండ్‌ను ఏర్పాటు చేశారు. ఆ తరువాత షుగర్, యానిమల్స్, గర్ల్స్ లైక్ యూ, మెమొరీస్ వంటి హిట్స్‌తో ప్రపంచవ్యాప్తంగా పాప్యులారిటీ సాధించారు.

Read Latest and National News