Ram Mandir: అయోధ్యలో భక్తుల రద్దీ.. రామచంద్రుడి దర్శన వేళలు పొడగింపు..

అయోధ్య: అయోధ్య(Ayodhya) బాల రాముడి ప్రాణ ప్రతిష్ఠ అనంతరం లక్షల సంఖ్యలో భక్తులు దర్శనం కోసం క్యూ కడుతున్నారు. మంగళవారం ఒక్క రోజే దాదాపు 5 లక్షల మంది రాముడిని దర్శించుకున్నారని అధికారులు చెబుతున్నారు. వీరిలో 3 లక్షల మంది పగటిపూట దర్శించుకోగా.. మిగిలిన వారు గంటల తరబడి క్యూలైన్లలో నిల్చున్నారు. ఈ సంఖ్య రోజు రోజుకి పెరిగిపోతుందనే అంచనాల నడుమ ఆలయ దర్శన వేళలు పెంచేందుకు అధికారులు నిర్ణయించారు.

ఇప్పటివరకు రెండు విడతల్లో రాత్రి 7 గంటలవరకు రాములవారిని దర్శించుకునేందుకు అవకాశం కల్పించారు. రద్దీని దృష్టిలో ఉంచుకుని ఇకపై రాత్రి 10 గంటల వరకు భక్తుల దర్శనానికి అనుమతిస్తూ సమయాన్ని పొడగించారు. జనవరి 29వరకు హారతి కోసం ఆన్‌లైన్ బుకింగ్‌లను నిలిపేశారు. అయోధ్యకు ఏటా 5 కోట్ల మంది భక్తులు వస్తారని అధికారులు అంచనా వేస్తున్నారు.