జేపీ నడ్డా సతీమణి కారు చోరీ కేసులో ఇద్దరి అరెస్టు
ABN , Publish Date - Apr 08 , 2024 | 04:10 AM
బీజేపీ జాతీయ అధ్యక్షుడు జేపీ నడ్డా సతీమణికి చెందిన కారు చోరీ కేసులో పోలీసులు ఇద్దరిని అరెస్టు
ఢిల్లీలో దొంగతనం.. వారాణసీలో కారు స్వాధీనం
న్యూఢిల్లీ, ఏప్రిల్‌ 7 : బీజేపీ జాతీయ అధ్యక్షుడు జేపీ నడ్డా సతీమణికి చెందిన కారు చోరీ కేసులో పోలీసులు ఇద్దరిని అరెస్టు చేశారు. అంతేకాక, ఢిల్లీలో చోరీకి గురైన కారును వారాణసీలో గుర్తించి స్వాధీనం చేసుకున్నారు. జేపీ నడ్డా భార్య మల్లికా నడ్డాకు చెందిన ఫార్చ్యూనర్‌ ఎస్‌యూవీ కారు గత నెల 19న ఢిల్లీలోని గోవిందపూరి ప్రాంతంలోని సర్వీస్‌ సెంటర్‌ నుంచి చోరీకి గురైంది. దీనిపై మల్లికా నడ్డా కారు డ్రైవర్‌ అదే రోజున స్థానిక పోలీసులకు ఫిర్యాదు చేశాడు. దర్యాప్తు చేపట్టిన పోలీసులు ఫరీదాబాద్‌ సమీపంలోని బాధ్‌కల్‌ ప్రాంతానికి చెందిన షాహిద్‌, శివంగ త్రిపాఠి చోరీ చేసినట్టు గుర్తించారు. కారును నాగాలాండ్‌ తరలించే క్రమంలో వారాణసీ వద్ద పట్టుబడ్డారు.
