Bihar Updates: రాజీనామా తరువాత నితీశ్ ఏమన్నారంటే..

పట్నా: బిహార్(Bihar) సీఎం పదవికి రాజీనామా(Nitish Kumar Resign) చేసిన అనంతరం నితీశ్ కుమార్ మీడియా ముందుకు వచ్చారు. ఈ సందర్భంగా ఆయన మాట్లాడుతూ.. "నేను సీఎం పదవికి రాజీనామా చేశాను. ప్రస్తుత ప్రభుత్వాన్ని రద్దు చేయాలని గవర్నర్ రాజేంద్ర అర్లేకర్‌(Rajendra Arlekar)ని కోరాను. అందరి అభిప్రాయాలు తీసుకున్నాకే ఈ నిర్ణయానికి వచ్చాం.

ఈ రోజుతో ఇండియా కూటమితో తెగదింపులు చేసుకుంటున్నా. రాష్ట్రంలో కొత్త కూటమితో ముందుకు వస్తాం" అని అన్నారు. నితీశ్ రాజ్ భవన్‌కు వెళ్లినప్పుడు ఆయనతో జేడీ(యూ) సీనియర్ మంత్రి బిజేంద్ర యాదవ్‌ ఉన్నారు. తన అధికారిక నివాసంలో పార్టీ ఎమ్మెల్యేలతో సమావేశమైన అనంతరం రాజీనామా సమర్పించారు. ఆదివారం సాయంత్రానికి బీజేపీ మద్దతుతో కొత్త ప్రభుత్వం ఏర్పాటయ్యే అవకాశం ఉందని తెలుస్తోంది.