Littles : తెలివైన దుప్పి
ABN , Publish Date - Jun 13 , 2024 | 11:46 PM
అనగనగా ఒక అడవిలో అందమైన,తెలివైన దుప్పి ఉండేది. ఒక రోజు అది ఓక గుహ దగ్గర ఆహారం కోసం వెతుక్కుంటూ ఉండగా దూరాన ఒక పులి దానికి కనిపించింది. వెంటనే దుప్పి గుహలోనికి దూరిపోయింది కానీ పులి కూడా అదే గుహలోకిరావచ్చేమో అని భయపడింది.
అనగనగా ఒక అడవిలో అందమైన,తెలివైన దుప్పి ఉండేది. ఒక రోజు అది ఓక గుహ దగ్గర ఆహారం కోసం వెతుక్కుంటూ ఉండగా దూరాన ఒక పులి దానికి కనిపించింది. వెంటనే దుప్పి గుహలోనికి దూరిపోయింది కానీ పులి కూడా అదే గుహలోకిరావచ్చేమో అని భయపడింది. పులి ఆ గుహ దగ్గరికి రాగానే లోపల ఉన్న దుప్పి గంభీరంగా గొంతు మార్చి,‘ గత కొన్ని రోజులుగా పులి గుండెకాయ తినలేదు కదా మనం, ఇవాళ ఏదైనా పులి కంటబడితే చూద్దాం’ అన్నది. ఆ మాటలు విన్న పులి గుహ లోపల ఏదో తనకంటే భయంకరమైన పెద్ద జంతువు ఉందనుకోని భయపడింది.
ఇంతలో అక్కడికి ఒక తోడేలు వచ్చి ఏమైంది నువ్వు భయపడ్డట్టు కనబడుతున్నావు? అని అడిగింది. పులి తాను విన్న మాటలు తోడేలుతో చెప్పింది. ఈలోగా గుహ నుండి బయటకు రాబోయిన దుప్పికి.. పులి, తోడేలు రెండూ కనబడ్డాయి. వెంటనే తప్పుకుని లోపలికి వెళ్లి, పులి కనబడక పోతే ఈ రోజుకి ఏదైనా తోడేలును వేటాడి, దాని గుండెకాయ తిందాంలే అన్నది. ఆ మాటలు బయటనుండి విన్న పులీ తోడేలు రెండూ ఆ ప్రాంతాన్ని వదిలి అక్కడినుండి దూరంగా వెళ్లిపోయాయి. అలా దుప్పి తన ప్రాణాలను కాపాడుకుంది.
