వేసవి వచ్చిందంటే చాలు చల్లని పానీయాల మీద పడిపోతారు. ఇవి శరీరాన్ని చల్లబరుస్తాయని నమ్ముతాం. అయితే కెమికల్స్ లేని పదార్థాలను సహజంగా పండిన వాటిని, ప్రకృతి సిద్ధంగా తయారైన చాలా ఆహారాలను తీసుకోవడం ముఖ్యం. మూమూలుగా వేసవిలో సహజంగా లభించే పానీయాలలో కొబ్బరి నీరు ఒకటి. ఇది తాగితే తక్షణ శక్తి వస్తుంది. అలాగే కొబ్బరి కాయకు, కొబ్బరి బొండానికి కూడా వేసవిలో మంచి గిరాకీనే ఉంటుంది. చిన్న పూజ ఉన్నా, పండుగ జరిగినా కూడా కొబ్బరికాయ కొట్టాల్సిందే. మరి ఈ కొబ్బరిలో లేత కొబ్బరి ఆరోగ్యమా లేక ముదర కాయ కొబ్బరి ఆరోగ్యమా అనేది తెల్చుకోవాలి.

కొబ్బరి..

ముదిరిన కొబ్బరికాయలు సాధారణంగా కిరాణా దుకాణాల్లో కనిపించే గోధుమ రంగు కాయలు. ఇవి పూర్తిగా పక్వానికి వచ్చి ముదిరిన కాయలు ఆరోగ్యకరమైన కొవ్వులతో పుష్కలంగా ఉంటాయి. ముఖ్యంగా ప్రోటీన్, ఫైబర్ కూడా కలిగి ఉంటాయి.

కేలరీలు..

అధిక కొవ్వు కంటెంట్ కారణంగా కొబ్బరికాయలలో కేలరీలు దట్టంగా ఉంటాయి. వీటిని అధికంగా తీసుకోవడం వల్ల బరువు పెరిగే అవకాశం ఉంటుంది.

మినరల్స్..

మాంగనీస్, కాపర్, సెలీనియం, ఐరన్ వంటి ఖనిజాలున్నాయి. ఇవి వివిధ శరీర ప్రక్రియలలో కీలకం.

జుట్టు, గోళ్లు పెరుగుదలకు బయోటిన్ ఎంత వరకూ అవసరం..!

లేత కొబ్బరి..

లేత కొబ్బరి కాయలో 5 నుంచి 7 నెలల వయస్సు మధ్య లోపల నీరు పూర్తిగా మాంసంగా మారుతుంది.

హైడ్రేషన్..

లేత కొబ్బరి నీరు ప్రకృతిలో ఎలక్ట్రోలైట్ అధికంగా ఉండే పానీయం, పొటాషియం, సోడియం, మెగ్నీషియం వంటి అవసరమైన ఖనిజాలను అందిస్తుంది. ఇది తక్కువ కేలరీలు, కొలెస్ట్రాల్ రహితంగా ఉంటుంది.

యాంటీఆక్సిడెంట్లు..

లేత కొబ్బరి నీళ్లలో విటమిన్ సి వంటి యాంటీ ఆక్సిడెంట్లు ఉంటాయి. ఇవి శరీరంలో హానికరమైన ఫ్రీ రాడికల్స్ ను తటస్తం చేయడంలో సహాయపడతాయి. దీర్ఘకాలిక వ్యాధుల ప్రమాదాన్ని తగ్గిస్తుంది.

Read Latest Navya News and Telugu News

గమనిక: పైన పేర్కొన్న వివరాలను ఆరోగ్య నిపుణులు అందించిన సమాచారం మేరకు ఇవ్వడం జరిగింది. దీనిని ఏబీఎన్-ఆంధ్రజ్యోతి ధృవీకరించడం లేదు. ఆరోగ్య నిపుణుల సలహాల మేరకు పైన చెప్పిన సూచనలు పాటించాలి.