కలెక్టర్లతో సీఎం చంద్రబాబు భేటీ..

అమరావతి: కూటమి సర్కారు కొలువు తీరిన తర్వాత అమరావతి సచివాలయంలో సోమవారం జరిగిన తొలి కలెక్టర్ల సదస్సు సీఎం చంద్రబాబు అధ్యక్షతన జరిగింది. ‘సూటిగా... సుత్తిలేకుండా’ సాగింది. ఈ సందర్బంగా ముఖ్యమంత్రి.. కలెక్టర్లు, ఇతర ఉన్నతాధికారులకు స్పష్టమైన మార్గనిర్దేశం చేశారు. అధికార దర్పానికి దూరంగా ఉండాలని... పేదలకు దగ్గర కావాలని సూచించారు. ఎమ్మెల్యేలూ, మంత్రులకూ ఇదే చెప్పారు. ‘మా ప్రభుత్వ విధానం, మా లక్ష్యాలు ఇవి! మీరు వినూత్నంగా ఆలోచించండి. మనసుపెట్టి పని చేయండి. ఫలితాలు సాధించండి’ అని కలెక్టర్లకు చంద్రబాబు సూచించారు.