Vikram: విజయవాడలో 'తంగలాన్' మూవీ టీమ్‌ సందడి..

విజయవాడ: విలక్షణ నటుడు, అపరిచితుడు మూవీ ఫేమ్ హీరో విక్రమ్ నటించిన లేటెస్ట్ మూవీ ‘తంగలాన్’ చిత్రం ప్రమోషన్‌లో భాగంగా సోమవారం విజయవాడ నగరంలో ఆ టీమ్ సందడి చేసింది. ఈ సందర్భంగా బందర్ రోడ్డులోని గేట్ వే హోటల్లో చిత్ర యూనిట్ విలేకరుల సమావేశం నిర్వహించింది. ప్రెస్ మీట్‌లో హీరో విక్రమ్ దర్శకుడు పా రంజిత్, హీరోయిన్ మాళవిక మోహనన్ తదితరులు పాల్గొన్నారు. విక్రమ్ మాట్లాడుతూ.. ఈనెల 15న చిత్రం ఐదు భాషల్లో విడుదలవుతుందని, శివపుత్రుడు, అపరిచితుడు, ఐ, నాన్న చిత్రాలను తెలుగు ప్రేక్షకులు ఎంతో ఆదరించారని, తంగలాన్‌ చిత్రాన్ని కూడా ఆదరించాలని కోరారు. ఇదొక ఎమోషనల్‌ సినిమా అని, కుటుంబ సమేతంగా చూడవచ్చునని అన్నారు.