భద్రాద్రి రామయ్యను దర్శించుకున్న గవర్నర్ జిష్ణుదేవ్ వర్మ

భద్రాద్రి కొత్తగూడెం: భద్రాచలంలో శ్రీ సీతారామ చంద్ర స్వామివారిని తెలంగాణ రాష్ట్ర గవర్నర్ జిష్ణుదేవ్ వర్మ శుక్రవారం ఉదయం దర్శించుకున్నారు. ఈ సందర్భంగా దేవస్థానం అధికారులు ఆయనకు సంప్రదాయబద్ధంగా స్వాగతం పలికారు. అనంతరం గవర్నర్ ప్రధాన ఆలయంలో ప్రత్యేక పూజలు నిర్వహించారు. ఈ సందర్బంగా వేద పండితులు వేదాశీర్వచనం అందజేశారు. కాగా దేవస్థానం తరపున స్వామివారి ప్రసాదం, శాలువా, జ్ఞాపికను గవర్నర్ జిష్ణు దేవ్ వర్మకు దేవస్థానం ఈవో ఎల్ రమాదేవి అందజేశారు. ఈ కార్యక్రమంలో గవర్నర్ ముఖ్య కార్యదర్శి. వెంకటేశం, సంయుక్త కార్యదర్శి భవాని శంకర్, భద్రాద్రి కొత్తగూడెం జిల్లా కలెక్టర్ జితేష్ వి పాటిల్, ఎస్పీ రోహిత్ రాజు, కొత్తగూడెం ఐటీడీఏ పీవో బి రాహుల్, దేవస్థానం ఇంజనీరింగ్ విభాగం ఈఈ వి రవీంద్రనాథ్ , ఏఈఓ భవాని రామకృష్ణారావు, పర్యవేక్షకులు లింగాల వైదిక పరిపాలన సిబ్బంది తదితరులు పాల్గొన్నారు.