గవర్నర్‌గా జిష్ణుదేవ్ వర్మ ప్రమాణస్వీకారం

హైదరాబాద్: తెలంగాణ నూతన గవర్నర్‌గా జిష్ణుదేవ్‌ వర్మ బాధ్యతలు చేపట్టారు. రాజ్‌భవన్‌లో బుధవారం నిర్వహించిన కార్యక్రమంలో తెలంగాణ హైకోర్టు ప్రధాన న్యాయమూర్తి జస్టిస్‌ అలోక్‌ అరాధే ఆయనతో ప్రమాణ స్వీకారం చేయించారు. అనంతరం నూతన గవర్నర్‌కు సీఎం రేవంత్‌ రెడ్డి, జస్టిస్‌ అలోక్‌ అరాధే పుష్పగుచ్ఛం ఇచ్చి శుభాకాంక్షలు తెలిపారు. సీఎం రేవంత్‌రెడ్డి స్వయంగా గవర్నర్‌ను వెంట తీసుకెళ్లి మంత్రులు, ఇతర ప్రముఖుల్ని పరిచయం చేశారు.