బట్టతల మీద మళ్లీ జుట్టు పెరుగుతుందా? ఈ చిట్కాలు ట్రై చేయండి..!
ABN, Publish Date - Sep 02 , 2024 | 10:48 AM
బట్టతల ఒకప్పుడు చాలా అరుదుగా కనిపించేది. ఇప్పుడు మాత్రం చాలా మందిలో బట్టతల సమస్య కనిపిస్తోంది. ఆడవాళ్లు కూడా దీని బారిన పడుతున్నారు. చిన్న వయసులోనే బట్టతల వచ్చిన వారు తిరిగి జుట్టు పొందడానికి నానా అవస్థ పడుతుంటారు.
1/7
జుట్టు విపరీతంగా రాలిపోవడం వల్ల, జుట్టు చాలా పలుచగా, సున్నితంగా మారడం వల్ల బట్టతల వస్తుంది. బట్టతల నివారణకు వైద్యులను సంప్రదించే ముందు కొన్ని ఇంటి చిట్కాలు పాటించడం వల్ల మెరుగైన ఫలితాలు ఉంటాయి.
2/7
ఉసిరి, నిమ్మరసం.. ఉసిరి, నిమ్మరసం రెండింటిని మిక్స్ చేసి తలకు అప్లై చేయాలి. దీని వల్ల హెయిర్ ఫోలికల్స్ యాక్టివేట్ అవుతాయి. ఈ మిశ్రమాన్ని అప్లై చేసిన 30 నిమిషాలు అలాగే ఉంచాలి. ఆ తరువాత గోరు వెచ్చని నీటితో కడగాలి. హెయిర్ ఫాల్ తగ్గిపోతుంది. జుట్టు ఆరోగ్యంగా పెరగడంలో సహకరిస్తుంది. చిన్న వయసులోనే జుట్టు తెల్లబడటాన్ని కూడా ఆపుతుంది
3/7
ఉల్లిపాయ రసం.. ఉల్లిపాయ లో అధిక మొత్తంలో సల్ఫర్ ఉంటుంది. ఇది జుట్టు పెరుగుదలను ప్రోత్సహిస్తుంది. ఉల్లిపాయ రసాన్ని తలకు పట్టించి 15-20 నిమిషాలు అలాగే ఉంచాలి. ఆ తరువాత కడిగేయాలి. ఇది జుట్టు వాల్యూమ్ పెంచడంలో సహాయపడుతుంది. జుట్టు దృఢంగా మారుస్తుంది. తెల్ల జుట్టును నల్లగా మారుస్తుంది.
4/7
అలోవేరా జెల్.. అలోవేరా జెల్ ను తలకు పట్టించడం వల్ల తల చర్మం హైడ్రేట్ గా ఉంటుంది. ఇది జుట్టు కుదుళ్లను ఆరోగ్యంగా ఉంచుతుంది. జుట్టు పెరుగుదలకు అవసరమైన పోషకాలను అందిస్తుంది.
5/7
కొబ్బరినూనె, మెంతులు.. మెంతి గింజలను గ్రైండ్ చేయాలి. ఈ పొడిని కొబ్బరినూనె లో వేసి కలపాలి. ఈ మిశ్రమాన్ని స్టౌ పైన సన్నని మంట మీద వేడి చేయాలి. దీన్ని రాత్రంతా అలాగే ఉంచి ఉదయాన్నే షాంపూతో తలస్నానం చేయాలి.
6/7
గ్రీన్ టీ.. గ్రీన్ టీ లో యాంటీ ఆక్సిడెంట్లు ఉంటాయి. గ్రీన్ టీని జుట్టు మూలాలపై అప్లై చేసి 1 గంట పాటూ అలాగే ఉంచాలి. ఆ తరువాత గోరు వెచ్చని నీటితో శుభ్రం చేసుకోవాలి. జుట్టు రాలడం ఆగిపోతుంది.
7/7
ఆహారం.. ఆహారంలో ప్రోటీన్, విటమిన్-బి, జింక్, ఐరన్ ను బాగా తీసుకోవడం వల్ల జుట్టు మూలాలు బలోపేతం అవుతాయి. కొత్త జుట్టు పెరగడంలో సహాయపడుతుంది.
Updated at - Sep 02 , 2024 | 10:48 AM
