Viral Video: కొబ్బరికాయను తల మీద కొట్టుకున్నాడు.. తర్వాత ఏం జరిగిందో చూస్తే నవ్వకుండా ఉండలేరు..!
ABN , Publish Date - Apr 02 , 2024 | 10:50 AM
కొబ్బరికాయ ఎంత గట్టిగా ఉంటుందో తెలిసిందే. దానిని నేలపై లేదా రాయితో మాత్రమే కొట్టి పగలగొడతారు. అయితే ప్రస్తుతం వైరల్ అవుతున్న ఓ వీడియో చూస్తే షాకవ్వాల్సిందే.
ఆలయాలకు వెళ్లినపుడు లేదా ఇంట్లోనే పూజలు చేసుకునేటపుడు చాలా మంది తప్పకుండా కొబ్బరికాయ (Coconut)ను కొట్టి ప్రసాదంగా పంచుతారు. కొబ్బరికాయ ఎంత గట్టిగా ఉంటుందో తెలిసిందే. దానిని నేలపై లేదా రాయితో మాత్రమే కొట్టి పగలగొడతారు. అయితే ప్రస్తుతం వైరల్ అవుతున్న ఓ వీడియో (Viral Video) చూస్తే షాకవ్వాల్సిందే. ఎందుకంటే ఆ వీడియోలోని ఓ భక్తుడు తన తలతో (Head) కొబ్బరికాయను పగలగొట్టాడు. ఆ తర్వాత ఏం జరిగిందో చూస్తే ఆశ్చర్యపోవడం ఖాయం.
dr.sosmedt అనే ఇన్‌స్టాగ్రామ్ హ్యాండిల్‌లో ఈ వీడియో షేర్ అయింది. వైరల్ అవుతున్న ఆ వీడియోలో ఓ ఇంట్లో పూజ జరుగుతోంది. ఓ కుర్రాడు లోపలి నుంచి కొబ్బరికాయ తీసుకు వచ్చాడు. దేవుడి ఫొటో ముందు కొబ్బరికాయను తన తలపై పగలగొట్టాడు. కొబ్బరి ముక్కలను దేవుడి పటం ముందు వేసి వెనక్కి వెళ్లాడు. అయితే అలా వెళుతూ అనూహ్యంగా కింద పడిపోయాడు. ఈ వీడియో ప్రస్తుతం సోషల్ మీడియాలో వైరల్ అవుతోంది.
ఈ వీడియో కోటికి పైగా వ్యూస్ దక్కించుకుంది. 9 లక్షల కంటే ఎక్కువ మంది ఈ వీడియోను లైక్ చేశారు. ఈ వీడియోపై నెటిజన్లు తమదైన శైలిలో ఫన్నీగా కామెంట్లు చేశారు. ``ఆపరేషన్ సక్సెస్.. పేషెంట్ డైడ్``, ``ఇలాంటివి భారత్‌లోనే సాధ్యం``, ``ఇది రీల్స్ కోసం చేసిందే.. ఆ కొబ్బరికాయ అప్పటికే పగిలిపోయింది`` అంటూ నెటిజన్లు కామెంట్లు చేశారు.
