Viral Video: వామ్మో.. కోతి వల్ల అతడికి ఎంత నష్టం.. కారుకు ఏం జరిగిందో చూస్తే షాకవ్వాల్సిందే..

ABN , Publish Date - Nov 20 , 2024 | 02:14 PM

మన దేశంలో సన్‌రూఫ్ ఉన్న కార్లకు చాలా క్రేజ్ ఉంది. ఎవరైనా సన్‌రూఫ్ ఉన్న కారును కొనుగోలు చేస్తే దానిని గర్వంగా ప్రదర్శిస్తాడు. మనదేశంలో ప్రజలు కారులో సన్‌రూఫ్ ఫీచర్‌ని బాగా ఇష్టపడతారు. కారు వెళ్తుండగా సన్‌రూఫ్ తెరిచి నిల్చునేందుకు ఇష్టపడతారు.

Viral Video: వామ్మో.. కోతి వల్ల అతడికి ఎంత నష్టం.. కారుకు ఏం జరిగిందో చూస్తే షాకవ్వాల్సిందే..

Monkey damaged car sunroof

సాధారణ కార్‌లతో (Car) పోల్చితే సన్‌రూఫ్ ఉన్న కార్ల ధర ఎక్కువగా ఉంటుంది. ముఖ్యంగా మన దేశంలో సన్‌రూఫ్ (Sun roof) ఉన్న కార్లకు చాలా క్రేజ్ ఉంది. ఎవరైనా సన్‌రూఫ్ ఉన్న కారును కొనుగోలు చేస్తే దానిని గర్వంగా ప్రదర్శిస్తారు. మనదేశంలో ప్రజలు కారులో సన్‌రూఫ్ ఫీచర్‌ని బాగా ఇష్టపడతారు. కారు వెళ్తుండగా సన్‌రూఫ్ తెరిచి నిల్చునేందుకు ఇష్టపడతారు. అయితే ఆ సన్‌రూఫ్ ఎంత పటిష్టంగా ఉంటుందనే విషయంలో మాత్రం చాలా మందికి క్లారిటీ ఉండదు. ప్రస్తుతం సోషల్ మీడియాలో వైరల్ అవుతున్న వీడియో చూస్తే షాకవ్వాల్సిందే (Viral Video).

@GaurangBhardwa1 అనే ట్విటర్ హ్యాండిల్‌లో ఈ వీడియో షేర్ అయింది. వైరల్ అవుతున్న ఆ వీడియోలో ఓ కారును ఓ బిల్డింగ్ పక్కన పార్క్ చేశారు. ఆ కారుకు సన్‌రూఫ్ ఉంది. హఠాత్తుగా ఒక కోతి (Monkey) కిందకు దూకి కారు సన్‌రూఫ్‌పై పడింది. కోతి పడిన వెంటనే ఆ కారు సన్‌రూఫ్ పూర్తిగా పగిలిపోయింది. కోతి కారులో పడిపోయింది. కానీ, గాయాలు కాలేదు. వెంటనే పైకి వచ్చిన కోతి తన దారిన తను వెళ్లిపోయింది. ఈ తతంగమంతా సీసీటీవీలో రికార్డు అయింది. ఆ వీడియో ప్రస్తుతం సోషల్‌ మీడియాలో వైరల్‌ అవుతోంది. ఆ కారుకు తిరిగి సన్‌రూఫ్ బిగించాలంటే చాలా ఖర్చవుతుంది.

ఈ వైరల్ వీడియోను ఇప్పటివరకు 5.4 లక్షల కంటే ఎక్కువ మంది వీక్షించారు. 5 వేల మందికి పైగా ఈ వీడియోను లైక్ చేశారు. ఈ వీడియోపై నెటిజన్లు తమదైన శైలిలో స్పందించారు. ``సన్‌రూఫ్ లేకపోవడమే ఉత్తమం అనుకుంటా``, ``సన్‌రూఫ్ అంత డెలికేట్‌గా ఉంటుందా``, ``ఇలాంటి వాటికి ఇన్సూరెన్స్ వర్తిస్తుందా``, ``రూ. లక్ష కంటే ఎక్కువ ఖర్చవుతుంది`` అంటూ నెటిజన్లు కామెంట్లు చేశారు.