Viral Video: ఈ బాల్ ఆడడం సచిన్కు కూడా సాధ్యం కాదేమో.. ఎంతలా స్పిన్ అయిందో చూడండి.. వీడియో వైరల్!
ABN , Publish Date - Feb 12 , 2024 | 04:26 PM
ఉప ఖండపు పిచ్లపై స్పిన్నర్లను ఆడడం అంత సులభం కాదు. ప్రస్తుతం వైరల్ అవుతున్న ఓ వీడియోలో ఓ బాల్ భారీగా స్పిన్ అయి వికెట్లను పడగొట్టింది. ఆ వీడియో నెట్టింట హల్చల్ చేస్తోంది.
![Viral Video: ఈ బాల్ ఆడడం సచిన్కు కూడా సాధ్యం కాదేమో.. ఎంతలా స్పిన్ అయిందో చూడండి.. వీడియో వైరల్!](https://media.andhrajyothy.com/media/2023/20231205/spin_3f99a14c98.jpg)
ఎంత పెద్ద బ్యాట్స్మెన్ అయినా స్పిన్ (Spin) బౌలింగ్ ఆడడానికి ఇబ్బంది పడతాడు. అనూహ్యంగా స్పిన్ అయ్యే బంతులు ఎలాంటి వారికైనా చెమటలు పట్టిస్తాయి. ముఖ్యంగా ఉప ఖండపు పిచ్లపై స్పిన్నర్లను ఆడడం అంత సులభం కాదు. ప్రస్తుతం వైరల్ అవుతున్న ఓ వీడియోలో ఓ బాల్ భారీగా స్పిన్ అయి వికెట్లను పడగొట్టింది. ఆ వీడియో నెట్టింట హల్చల్ చేస్తోంది. కేసీసీ T20 ఛాలెంజర్స్ కప్ 2024లో భాగంగా కువైట్ నేషనల్స్, ఎస్బీఎస్ సీసీ మధ్య జరిగిన మ్యాచ్లో ఓ ఆసక్తికర సన్నివేశం చోటు చేసుకుంది.
ఎస్బీఎస్ సీసీ బియాంత్ సింగ్ బ్యాటింగ్ చేస్తుండగా కువైట్ నేషనల్స్ స్పిన్నర్ ముహమ్మద్ వకార్ బౌలింగ్కు దిగాడు. విచిత్రమైన బౌలింగ్ యాక్షన్తో వకార్ ఆఫ్సైడ్ ఓ బంతిని వేశాడు. ఆ బంతిని ఆడేందుకు బియాంత్ ఆఫ్ వికెట్ వైపు కదిలాడు. అయితే అనూహ్యంగా ఆ బంతి స్పిన్ అయి వికెట్లను పడగొట్టింది. ఆ బంతి విపరీతంగా స్పిన్ అయి బ్యాట్స్మెన్నే కాదు, చాలా మందిని ఆశ్చర్యపరిచింది. ఆ బాల్కు సంబంధించిన వీడియో సోషల్ మీడియాలో వైరల్ (Viral Video) అవుతోంది.
ఆ బాల్పై క్రికెట్ ప్రేమికులు తమ స్పందనలను తెలియజేశారు. ``ఇది డెలివరీ ఆఫ్ ది సెంచరీ``, ``ఆ బంతి కువైట్ నుంచి ఒమన్కి స్పిన్ అయింది``, ``మురళీధరన్, హర్భజన్ కూడా ఆశ్చర్యపోయి ఉంటారు``, ``మురళీధరన్ అల్ట్రా ప్రో``, ``ఈ బంతిని సచిన్, ద్రవిడ్ కూడా ఆడలేరు`` అంటూ నెటిజన్లు కామెంట్లు చేశారు. కాగా, ఈ వైరల్ వీడియోను ఇప్పటివరకు 2.3 లక్షల మందికి పైగా వీక్షించారు.