Viral Video: రీల్ కోసం ఏమైనా చేస్తాం.. ఓ కుర్రాడి వింత ప్రయత్నం చూస్తే పొట్ట పగిలేలా నవ్వుకోవాల్సిందే..

ABN , Publish Date - Oct 16 , 2024 | 01:35 PM

సోషల్ మీడియాలో వైరల్ అయ్యేందుకు కొందరు బహిరంగ ప్రదేశాల్లో వింత డ్యాన్స్‌లు వేస్తున్నారు. మరికొందరు ప్రాణాంతక సాహసాలకు ఒడిగడుతున్నారు. మరికొందరు పిచ్చి పిచ్చి ప్రయోగాలు చేస్తున్నారు. అలాంటి ఎన్నో వీడియోలు సోషల్ మీడియా జనాలను బాగా ఆకట్టుకుని వైరల్ అవుతున్నాయి

Viral Video: రీల్ కోసం ఏమైనా చేస్తాం.. ఓ కుర్రాడి వింత ప్రయత్నం చూస్తే పొట్ట పగిలేలా నవ్వుకోవాల్సిందే..

Dress made from kitchen items, funny video gone viral

ప్రస్తుత సోషల్ మీడియా యుగంలో వైరల్ అయ్యేందుకు జనాలు ఏం చేసేందుకైనా సిద్ధపడుతున్నారు. కొందరు బహిరంగ ప్రదేశాల్లో వింత డ్యాన్స్‌లు వేస్తున్నారు. మరికొందరు ప్రాణాంతక సాహసాలకు ఒడిగడుతున్నారు. మరికొందరు పిచ్చి పిచ్చి ప్రయోగాలు చేస్తున్నారు. అలాంటి ఎన్నో వీడియోలు సోషల్ మీడియా జనాలను బాగా ఆకట్టుకుని వైరల్ అవుతున్నాయి. ప్రస్తుతం అలాంటిదే ఓ వీడియో నెట్టింట హల్‌‌చల్ చేస్తోంది. ఆ వీడియో చూసిన జనాలు ఆశ్చర్యపోతున్నారు. dialog_superstar_28 అనే ఇన్‌‌‌స్టాగ్రామ్ హ్యాండిల్‌లో ఈ వీడియో షేర్ అయింది (Viral Video).

వైరల్ అవుతున్న ఆ వీడియో ప్రకారం.. ఓ యువకుడు విచిత్ర వేషధారణతో ఉన్నాడు. అతడి తల మీద సిలిండర్ ఉంది. అతడి మెడకు ఓ మంచం, గ్యాస్ స్టవ్ కట్టేసి ఉన్నాయి. ఆ మంచానికి నలు వైపులా రకరకాల పాత్రలు కట్టేసి ఉన్నాయి. అలాగే పలు బాటిల్స్, మగ్ కూడా మెడలో వేసుకున్నాడు. ఆ విచిత్ర వేషధారణలో ఉండి గ్యాస్ స్టవ్‌ను హార్మోనియంలా భావిస్తూ డ్యాన్స్ చేస్తున్నాడు. ఆ కుర్రాడి వింత చేష్టలను అతడి స్నేహితులు వీడియో తీసి సోషల్ మీడియాలో పోస్ట్ చేశారు. ఆ వీడియో కాస్తా సోషల్ మీడియాలో వైరల్‌గా మారింది.

ఆ వైరల్ వీడియోను పాతిక లక్షల మందికి పైగా వీక్షించారు. 4.6 లక్షల కంటే ఎక్కువ మంది ఈ వీడియోను లైక్ చేశారు. ఈ వీడియోపై నెటిజన్లు ఫన్నీ కామెంట్లు చేశారు. ``ఈ కుర్రాడికి ఉర్ఫీ జావేద్ భర్త అయ్యే అర్హతలు ఉన్నాయి``, ``బ్రదర్.. కొన్ని సామాన్లను ఇంట్లో కూడా ఉంచు``, ``మొబైల్ కిచెన్ అంటే ఇదే``, ``ఇంట్లో ఇంకేం వస్తువులు మిగలలేదా``, ``అవుట్ ఫిట్ అఫ్ ది ఇయర్`` అంటూ నెటిజన్లు కామెంట్లు చేశారు.