Viral Video: ప్రాణభయం పొంచి ఉన్నా అదే పరుగు.. మొసలి నోటి నుంచి తాబేలు ఎలా తప్పించుకుందో చూడండి..

ABN , Publish Date - Aug 10 , 2024 | 04:26 PM

మనం చిన్నప్పుడు తాబేలు, కుందేలు కథ ఎన్నోసార్లు విన్నాం. అతి నెమ్మదిగా నడిచే తాబేలు వేగంగా పరిగెత్తే కుందేలును పరుగు పందెంలో ఓడిస్తుంది. నెమ్మదిగా నడుస్తూనే రేస్‌లో విన్నర్‌గా నిలుస్తుంది. రేస్‌ కోసమే కాదు.. ప్రాణం నిలుపుకునేందుకు కూడా తాబేలు వేగంగా పరుగులు తీయలేదు.

Viral Video: ప్రాణభయం పొంచి ఉన్నా అదే పరుగు.. మొసలి నోటి నుంచి తాబేలు ఎలా తప్పించుకుందో చూడండి..

Turtle escapes from Crocodile

మనం చిన్నప్పుడు తాబేలు (Turtle), కుందేలు కథ ఎన్నోసార్లు విన్నాం. అతి నెమ్మదిగా నడిచే తాబేలు వేగంగా పరిగెత్తే కుందేలును పరుగు పందెంలో ఓడిస్తుంది. నెమ్మదిగా నడుస్తూనే రేస్‌లో విన్నర్‌గా నిలుస్తుంది. రేస్‌ కోసమే కాదు.. ప్రాణం నిలుపుకునేందుకు కూడా తాబేలు వేగంగా పరుగులు తీయలేదు. దానికి ఉన్న పరిమితులు అవి. అయినా ఆశ్చర్యకరంగా తాబేలు తను అనుకున్నది సాధిస్తుంది. ప్రస్తుతం వైరల్ అవుతున్న ఓ వీడియో చూస్తే షాక్ అవకతప్పదు. మొసలి (Crocodile) నోటి నుంచి తప్పించుకున్న ఓ తాబేలు ఎలా పరుగులు పెట్టిందో చూస్తే అవాక్కవ్వాల్సిందే (Viral Video).

@AMAZlNGNATURE అనే ట్విటర్ హ్యాండిల్‌లో ఈ వీడియో షేర్ అయింది. వైరల్ అవుతున్న ఆ వీడియోలో ఓ మొసలి నోటికి తాబేలు చిక్కింది. అయితే తాబేలుకు రక్షణగా ఉన్న డిప్ప కారణంగా మొసలి దానిని తినలేకపోయింది. తినడానికి ప్రయత్నిస్తుండగా మొసలి నోటి నుంచి తాబేలు కిందకు దూకింది. అక్కడి నుంచి నెమ్మదిగా గెంతులు వేసుకుంటూ పారిపోయింది (Turtle Running). ఈ షాకింగ్ వీడియోను షేర్ చేసిన ట్విటర్ యూజర్.. ``ప్రాణభయం పొంచి ఉన్నా ఇంత కంటే వేగంగా పరిగెత్తలేని పరిస్థితిని ఊహించుకోండి`` అంటూ కామెంట్ చేశారు. ఈ వీడియో సోషల్ మీడియాలో వైరల్‌గా మారింది.

ఈ వైరల్ వీడియోను ఇప్పటివరకు 35 లక్షల మందికి పైగా వీక్షించారు. 18 వేల మందికి పైగా లైక్ చేశారు. ఈ వీడియోపై నెటిజన్లు తమ స్పందనలను తెలియజేశారు. ``థాంక్ గాడ్.. తాబేలు బతికిబయటపడింది``, ``ఎంత రక్షణ ఉన్నా తాబేలును తినగలిగే శక్తి మొసలికి ఉంది``, ``మొసలి అలసిపోయింది``, ``అద్భుతమైన వీడియో``, ``మృత్యువు నోట్లోకి వెళ్లినా పోరాటం ఆపకూడదు`` అంటూ నెటిజన్లు కామెంట్లు చేశారు.