Viral Video: ఇస్తావా.. చస్తావా.. గజరాజు దాదాగిరి..

ABN , Publish Date - Nov 09 , 2024 | 11:07 AM

అడవులను కొట్టి రోడ్లు వేసెయ్యడం వల్ల వన్య ప్రాణులకు ఆహారం, ఆవాసం లేక ఇబ్బందులు ఎదురవుతున్నాయి. తమకు ఈ దుస్థితి పట్టడానికి కారణమైన మనుషులకు వన్య ప్రాణులు తగిన బుద్ధి చెబుతున్నాయి. ప్రస్తుతం వైరల్ అవుతున్న వీడియోలో ఓ ఏనుగు బీభత్సం సృష్టించింది.

Viral Video: ఇస్తావా.. చస్తావా.. గజరాజు దాదాగిరి..

Elephant attacks vehicles

అభివృద్ధి సాకుతో, రోడ్లు వేస్తున్నామనే కారణం చెప్పి అడవులను కొట్టేయడం వన్య మృగాల (Wild Animals) పాలిట శాపంగా మారుతోంది. వాటికి ఆహారం లభ్యం కాక, ఆవాసం దొరక్క చాలా సమస్యలు ఎదుర్కొంటున్నాయి. ఆహారం కోసం జనవాసాల వైపు వచ్చేస్తున్నాయి. అడవులను (Forest) కొట్టి రోడ్లు వేసెయ్యడం వల్ల వాటికి రక్షణ పరంగా ఇబ్బందులు ఎదురవుతున్నాయి. తమకు ఈ దుస్థితి పట్టడానికి కారణమైన మనుషులకు వన్య ప్రాణులు తగిన బుద్ధి చెబుతున్నాయి. ప్రస్తుతం వైరల్ అవుతున్న వీడియోలో ఓ ఏనుగు (Elephant) బీభత్సం సృష్టించింది. రోడ్డుపై వెళ్తున్న వాహనాలపై దాడికి దిగింది. ఆ వీడియో సోషల్ మీడియాలో వైరల్ అవుతోంది (Viral Video).

Wild Elephant అనే ఫేసుబుక్ హ్యాండిల్‌లో ఈ వీడియో షేర్ అయింది. వైరల్ అవుతున్న ఆ వీడియోలో ఓ ఏనుగు వాహనాలపై దాడి చేస్తోంది. ఆ రోడ్డు మీద వెళ్తున్న ఆటోలపై, ఇతర మోటార్ వాహనాలపై దాడికి దిగుతోంది. వాహనాలు వెళ్లకుండా అడ్డుకుంటోంది. ఆ వాహనాలను బోల్తా కొట్టించేందుకు ప్రయత్నిస్తోంది. ఏనుగు ధాటికి భయపడిన ప్రజలు తమ వాహనాలను వదిలేసి పారిపోతున్నారు. చివరకు ఓ ఆటోలో ఉన్న ఆహార పదార్థాలను తిన్న తర్వాత ఆ ఏనుగు కొంచెం శాంతంగా మారింది. ఈ వీడియో సోషల్ మీడియాలో వైరల్‌గా మారింది.

ఈ వైరల్ వీడియోను 55 లక్షల మందికి పైగా వీక్షించారు. ఈ వీడియోపై 25 వేల మందికి పైగా తమ స్పందనలను తెలియజేశారు. ``ఆ ఏనుగు ఆగ్రహంతో కాదు, ఆకలితో ఉంది``, ``ఇది అడవులను నాశనం చేసిన ఫలితం``, ``ఆ ఏనుగు మనుషులకు హాని చేయాలనుకోవడం లేదు.. తన ఆకలి తీర్చుకోవాలనుకుంటోంది``, ``క్రూర మృగాలకు ఆవాసం, ఆహారం లేకుండా చేస్తే ఇలాగే ఉంటుంది`` అంటూ నెటిజన్లు కామెంట్లు చేస్తున్నారు.