Viral Video: చైనాలో అంతే.. భారీ బిల్డింగ్‌ల మీద నుంచి కార్లు ఎలా వెళ్లిపోతున్నాయో చూడండి..

ABN , Publish Date - Dec 15 , 2024 | 03:32 PM

పొరుగు దేశం చైనాలో ఎన్నో ఇంజినీరింగ్ అద్భుతాలు ఆవిష్కృతమవుతుంటాయి. భారీ జనాభా, వారి అవసరాలకు అనుగుణంగా రకరకాల ప్రయోగాలు చేస్తుంటారు. అలాంటి ఎన్నో వీడియోలు ఇప్పటికే ప్రపంచ దేశాలను ఆశ్చర్యపరిచాయి. తాజాగా అలాంటిదే మరో వీడియో చైనా నుంచి వచ్చింది.

Viral Video: చైనాలో అంతే.. భారీ బిల్డింగ్‌ల మీద నుంచి కార్లు ఎలా వెళ్లిపోతున్నాయో చూడండి..

residential buildings under the fly over bridge

చైనా (China) చాలా విచిత్రమైన దేశం. ఆ దేశంలో ప్రజలకు చాలా చిత్రమైన ఆలోచనలు వస్తుంటాయి. ఆ క్రమంలో ఎన్నో ఇంజినీరింగ్ అద్భుతాలు ఆవిష్కృతమవుతుంటాయి. భారీ జనాభా, వారి అవసరాలకు అనుగుణంగా రకరకాల ప్రయోగాలు చేస్తుంటారు. అలాంటి ఎన్నో వీడియోలు ఇప్పటికే ప్రపంచ దేశాలను ఆశ్చర్యపరిచాయి. తాజాగా అలాంటిదే మరో వీడియో చైనా నుంచి వచ్చింది. వైరల్ అవుతున్న ఆ వీడియోలో భారీ భవంతుల పై నుంచి వాహనాలు వేగంగా వెళ్లిపోతున్నాయి. ఆ వీడియో చూసిన నెటిజన్లు విపరీతంగా ఆశ్చర్యపోతున్నారు (Viral Video).

itschina.baby అనే ఇన్‌స్టాగ్రామ్ హ్యాండిల్‌లో ఈ వీడియో షేర్ అయింది. వైరల్ అవుతున్న ఆ వీడియోలో ఓ ఫ్లై ఓవర్ బ్రిడ్జ్ కనిపిస్తోంది. ఆ బ్రిడ్జ్ కింద వరుసగా భారీ భవంతులు కనిపిస్తున్నాయి. ఆ భవంతులలో జనాలు నివసిస్తున్నారు. ఆ భవంతుల బాల్కనీల్లో ఆరేసిన బట్టలు దర్శనమిస్తున్నాయి. అంటే ఫ్లై ఓవర్ల కిందన కూడా ఆపార్ట్‌మెంట్లు కట్టేసి నివాసయోగ్యంగా మార్చేశారన్నమాట. ఈ వీడియో చూసిన యూజర్లు ఆశ్చర్యపోతున్నారు. ఇలా జీవించడం సురక్షితమేనా అని చాలా మంది ఆందోళనకు గురవుతున్నారు. వాహనాల శబ్దం, వైబ్రేషన్ కారణంగా అక్కడు నివసిస్తున్న వారికి మనశ్శాంతి ఉండదని చాలా మంది అంటున్నారు.

ఆ వీడియో సోషల్ మీడియాలో వైరల్ అవుతోంది. ఆ వైరల్ వీడియోను ఇప్పటివరకు వేల మంది వీక్షించారు. వందల మంది ఆ వీడియోను లైక్ చేశారు. ఆ వీడియోపై నెటిజన్లు తమ స్పందనలను తెలియజేశారు. ``అక్కడ ముందుగా బ్రిడ్జ్ కట్టారా? అపార్ట్‌మెంట్‌లు కట్టారా``, ``చాలా ప్రమాదకర పరిస్థితుల్లో నివసిస్తున్నారు``, ``ఇదెక్కడి అరాచకం``, ``అక్కడ నివసిస్తున్న వారికి నిద్ర సరిగ్గా పడుతుందా`` అంటూ నెటిజన్లు కామెంట్లు చేశారు.