Viral Video: ఈ అంకుల్‌కు కొత్త బైక్ అయినా భార్య తర్వాతే.. వీడియో చూస్తే చిరునవ్వు చిందించాల్సిందే..

పేద, దిగువ మధ్య తరగతి కుటుంబాలకు చెందిన వారికి బైక్ (Bike) కొనుక్కోవడం అనేది చాలా ముఖ్యమైన, సంతోషకర సందర్భం. అలాంటి సంతోషకర సందర్భాలను చాలా మంది ప్రస్తుతం మొబైల్ ఫోన్ల ద్వారా వీడియోల రూపంలో భద్రపరుచుకుంటున్నారు. తాజాగా ఓ అంకుల్ తన భార్యతో కలిసి బైక్ కొనడం కోసం షోరూమ్‌కు వెళ్లాడు. అక్కడ ఆయన అమాయకత్వంతో చేసిన చిన్న పొరపాటు చాలా మందికి నవ్వు తెప్పిస్తోంది. ఆ వీడియో సోషల్ మీడియాలో వైరల్‌గా మారింది. ఆ వీడియో చూసిన నెటిజన్లు ఫన్నీ కామెంట్లు చేస్తున్నారు (Viral Video).

humourphase అనే ట్విటర్ హ్యాండిల్‌లో ఈ వీడియో షేర్ అయింది. వైరల్ అవుతున్న ఆ వీడియో ప్రకారం.. ఓ వ్యక్తి కొత్త బైక్ కొనడానికి తన భార్య, కొడుకుతో కలిసి షోరూమ్‌కు వెళ్లాడు. బైక్ కొన్న తర్వాత షోరూమ్‌లోనే బైక్‌కు దండ వేస్తూ వీడియో తీయాలని ఆయన కొడుకు అనుకున్నాడు. ఆ పెద్దాయనకు దండ (Garland) ఇచ్చి వేయమన్నాడు. ఆ పెద్దాయన ఆ దండను బైక్‌ మీద కాకుండా భార్య మెడలో వేశాడు. పక్కన ఉన్న వారు చెప్పడంతో వెనక్కి వచ్చి ఆ దండను బైక్ మీద వేశాడు. ఆ అంకుల్ చేసిన పొరపాటుకు అక్కడున్న వారందరూ నవ్వుకున్నారు. ఆ వీడియోను సోషల్ మీడియాలో పోస్ట్ చేశారు.

ఆ వీడియో సోషల్ మీడియాలో వైరల్‌గా మారింది. ఆ వైరల్ వీడియోను ఇప్పటివరకు వేల మంది వీక్షించారు. వందల మంది ఈ వీడియోను లైక్ చేసి తమ స్పందనలను తెలియజేశారు. ``జీవితంలో ఏం జరిగినా అతడికి తన భార్యే ముఖ్యం``, ``కొత్త బైక్ కంటే పాత భార్య అంటేనే ప్రేమ ఎక్కువ``, ``చాలా అందమైన వీడియో``, ``అతడు తన భార్య మెడలో తప్ప ఇంకెక్కడా దండ వేయడు``, ``ఈ వీడియో చాలా అద్భుతంగా ఉంది`` అంటూ నెటిజన్లు కామెంట్లు చేశారు.

ఇవి కూడా చదవండి..

Optical Illusion: మీవి డేగ కళ్లు అయితే తప్ప ఈ పజిల్ సాల్వ్ చేయలేరు.. ఈ పెయింటింగ్‌లో అమ్మాయిని కనిపెట్టండి..

Viral Video: ఛీ.. ఛీ.. జెయింట్ వీల్‌ను కూడా వదలరా.. బహిరంగంగా యువతీయువకుల పాడు పనులు..

Viral: అడవి ఏనుగుతో సెల్ఫీ.. ఆగ్రహించిన గజరాజు.. చివరకు ఆ యువకుడి పరిస్థితి ఏమైందంటే..

Viral Video: సూపర్ ఫైట్ అంటే ఇదీ.. ఇద్దరు మహిళలు బిందెలతో ఎలా కొట్టుకున్నారో చూడండి.. వీడియో వైరల్..

మరిన్ని ప్రత్యేక వార్తలు కోెసం క్లిక్ చేయండి..