ప్రముఖ బాలీవుడ్ సింగర్ మికా సింగ్‌కు వేదికపై విచిత్రమైన అనుభవం ఎదురైంది. అతడి హార్డ్ కోర్ అభిమాని ఒకరు కళ్లు చెదిరే బహుమతులతో మతిపోగొట్టాడు. అమెరికాలో ఏర్పాటు చేసిన కాన్సర్ట్ చూసేందుకు వచ్చిన అతను పాకిస్తాన్ కు చెందిన అభిమాని. స్టేజి కింద నుంచి చేయి ఊపుతున్న అతను మికా సింగ్ సైగ చేయడంతో రివ్వున స్టేజి మీదకు వచ్చాడు. ఒక్కసారిగా తాను తెచ్చిన బహుమతులన్నీ అతడి చేతిలో పెట్టేశాడు. దీంతో మికాతో పాటుగా కాన్సర్ట్ చూసేందుకు వచ్చిన జనం కూడా ఆశ్చర్యపోయారు.

బహుమతులు అందుకోవడం ఈ సింగర్ కి మామూలే కదా అనుకోవచ్చు. కానీ, ఆ ఫ్యాన్ తెచ్చిన రోలెక్స్ వాచ్ ధర ఏకంగా రూ. 3 కోట్లు కావడం గమనార్హం. అంతే కాదు వజ్రాలు పొదిగిన ఉంగరం, వైట్ గోల్డ్ తో తయారుచేసిన మందంపాటి బంగారపు గొలుసును కూడా ప్రెజెంట్ చేశాడు. లైవ్ కాన్సర్ట్ ల్లో ఎక్కువగా పాల్గొనే మికా కు ఇది మామూలే. కానీ, ఇంత కాస్ట్ లీ వస్తువులను ప్రెజెంట్ చేసిన అభిమాని ఇతడేనేమో.

ఎవరీ మికా సింగ్..

బాలీవుడ్ లో మంచి పేరున్న సింగర్ అయన మికా సింగ్ సెన్సేషనల్ సింగర్ దలేర్ మెందీకి సోదరుడి వరుస. వీరిద్దరూ కలిసి కొన్ని పాటలు కూడా పాడారు. హిందీ పాటలతో పాటుగా భాంగ్రా, పాప్ ఆల్బమ్స్ తో మంచి గుర్తింపు తెచ్చుకున్నాడు. తెలుగులోనూ మికా బ్లాక్ బస్టర్ పాటలతో అలరించాడు. ప్రభాస్ మిర్చి సినిమాలో యాహు యాహు అనే పాటతో ఉర్రూతలూగించాడు. రవితేజ బలుపు, ఎన్టీఆర్‌తో అదుర్స్ వంటి సినిమాలకు ఈ సింగర్ పనిచేశాడు.

Viral Video: పిల్లల కోసం సింహంతో ఫైట్‌కు దిగిన చిరుత.. ఒళ్లు గగుర్పొడిచే వీడియో..