Viral: ఢిల్లీలో అంతే.. తల్లి ప్రేమగా పంపిన లడ్డూ బాక్స్ ఓపెన్ చేసి చూస్తే.. నివ్వెరపోయిన కూతురు!
ABN , Publish Date - Jun 22 , 2024 | 11:44 AM
ఈ ఏడాది వేసవి దేశవ్యాప్తంగా మంటలు రేకెత్తించింది. దేశంలోని చాలా ప్రాంతాల్లో ఉష్ణోగ్రతలు 45 డిగ్రీలను దాటేశాయి. ఇక, ఉత్తరాదిన కొన్ని ప్రాంతాల్లో అయితే ఏకంగా 50 డిగ్రీలకు చేరుకున్నాయి. ముఖ్యంగా దేశ రాజధాని ఢిల్లీలో ఉష్ణోగ్రతలు ఇప్పటికీ తగ్గముఖం పట్టలేదు. ఇప్పటికీ అక్కడ ఎండలు మండించేస్తున్నాయి.
ఈ ఏడాది వేసవి (Summer) దేశవ్యాప్తంగా మంటలు రేకెత్తించింది. దేశంలోని చాలా ప్రాంతాల్లో ఉష్ణోగ్రతలు 45 డిగ్రీలను దాటేశాయి (Heat Wave). ఇక, ఉత్తరాదిన కొన్ని ప్రాంతాల్లో అయితే ఏకంగా 50 డిగ్రీలకు చేరుకున్నాయి. ముఖ్యంగా దేశ రాజధాని ఢిల్లీలో ఉష్ణోగ్రతలు ఇప్పటికీ తగ్గముఖం పట్టలేదు. ఇప్పటికీ అక్కడ ఎండలు మండించేస్తున్నాయి (Delhi Heat). అక్కడ ఎండలు ఏ రేంజ్‌లో ఉన్నాయో తెలిపే పోస్ట్ ఒకటి ప్రస్తుతం సోషల్ మీడియాలో వైరల్ అవుతోంది. ఆ పోస్ట్ చూసిన వారు ఆశ్చర్యపోతున్నారు (Viral News).
ఢిల్లీలో హోమియోపతి డాక్టర్‌గా పని చేస్తున్న డాక్టర్ భూమిక ట్విటర్‌లో ఓ పోస్ట్ పెట్టారు. విషయమేమిటంటే.. తల్లి ఎంతో ప్రేమగా లడ్డూలు (Besan ke laddoo) చేసి వాటిని భూమికకు పంపించింది. ఆ బాక్స్ ఓపెన్ చేసి చూసిన భూమిక షాకయ్యింది. ఎందుకంటే ఢిల్లీ వేడికి లడ్డూలన్నీ కరిగిపోయి హల్వా (Halwa) అయిపోయాయి. ఆ బాక్స్ ఫొటో తీసిన భూమిక ట్విటర్‌లో పంచుకుంది. ``డియర్ బేసన్ లడ్డూ.. వెల్కమ్ టూ ఢిల్లీ హీట్`` అని కామెంట్ చేశారు. ఈ ట్వీట్ సోషల్ మీడియాలో బాగా వైరల్ అవుతోంది.
ఈ వైరల్ ట్వీట్‌ను ఇప్పటివరకు 5.9 లక్షల మందికి పైగా వీక్షించారు. 11 వేల మందికి పైగా లైక్ చేశారు. ఈ ట్వీట్‌పై నెటిజన్లు తమ స్పందనలను తెలియజేశారు. ``ఇది బేసన్ హల్వా``, ``అమ్మా.. మీ లడ్డూలు బాగా వైరల్ అవుతున్నాయి``, ``రాజస్థాన్‌లో ఇలా ఎక్కువగా జరుగుతుంటుంది``, ``ఫుడ్ ఐటెమ్స్‌పై కూడా సూర్యుడు ప్రతాపం చూపించాడు`` అంటూ నెటిజన్లు కామెంట్లు చేశారు.
ఇవి కూడా చదవండి..
మరిన్ని ప్రత్యేక వార్తలు కోసం క్లిక్ చేయండి..
