Viral: వామ్మో.. అపరకుబేరులు! వీళ్ల బాత్‌రూంలో ఏముందో చూస్తే..
ABN , Publish Date - May 27 , 2024 | 05:14 PM
ఓ వ్యక్తి ఏకంగా తన బాత్రూమ్ లోనే ఏసీ పెట్టించుకున్న వీడియో నెట్టింట వైరల్‌గా మారింది. ఇది చూసి జనాలు ఆశ్చర్యపోతున్నారు. అసలైన దనవంతులంటే వీళ్లే అంటూ సరదా కామెంట్స్ చేస్తున్నారు.
ఇంటర్నెట్ డెస్క్: డబ్బు అందరికీ కావాలి, అపరకుబేరుడు అనిపించుకోవాలని ప్రతి ఒక్కరికీ కోరిక ఉంటుంది. కానీ ఎంత సంపాదిస్తే డబ్బున్నోళ్లు అవుతారు అన్న దానికి ఎవరికి తోచిన నిర్వచనం వారు చెప్పుకుంటూ ఉంటారు. సంపన్నులుగా బతకడం అంటే ఇదీ అంటూ ఓ వ్యక్తి నెట్టింట పంచుకున్న పోస్టు ప్రస్తుతం తెగ వైరల్ (Viral) అవుతోంది. జనాలు దీన్ని చూసి ఆశ్చర్యపోతున్నారు. కొందరైతే పడీ పడీ నవ్వుకుంటున్నారు.
ఇది ఎండాకాలం.. ఎక్కడ చూసినా ఏసీలు, కూలర్లే దర్శనమిస్తున్నాయి. వేడి తట్టుకోలేక అనేక మంది ఖర్చుకు వెనకాడకుండా ఏసీలు కొనుక్కుంటున్నారు. ఇక సంపన్నులైతే గదికో ఏసీ చొప్పున పెట్టుకుంటున్నారు. అయితే, ప్రస్తుత వైరల్ పోస్టులో కొందరు ఏకంగా బాత్రూమ్‌లోనే ఏసీ పెట్టించారు. ఇది చూసి జనాలు ఆశ్చర్యపోతున్నారు. ఇలాంటి వారు కూడా ఉంటారా అంటూ నోరెళ్లబెడుతున్నారు. వీళ్లెవరో అసలైన డబ్బున్నోళ్లలా ఉన్నారంటూ కామెంట్ చేశారు.
Viral: అనేక అనుమానాలతో ఢిల్లీ మెట్రో ఎక్కిన విదేశీ యువతి.. చివరకు అక్కడి సీన్ చూసి..
సంపన్నులుగా బతకడం అంటే ఇదీ! బాత్రూమ్‌లోనూ ఏసీ పెట్టించుకున్నారంటే వీళ్ల రేంజ్ ఏంటో అర్థమవుతోందని కొందరు సరదా కామెంట్ చేశారు. లైఫ్ ఎప్పటికైనా ఈ రేంజ్‌లో సంపాదించాలని ఉందని కొందరు కామెంట్ చేశారు. ఇంత డబ్బున్నోళ్లు కాస్తంత పెద్ద బాత్రూమ్ కట్టించుకుంటే పోయేదేముందని ప్రశ్నించారు. ఏసీతో పాటు మొబైల్ చార్జింగ్ పాయింట్ కూడా ఉండాలని కొందరు అభిప్రాయపడ్డారు. ఇలా రకరకాల కామెంట్స్ మధ్య వీడియో విపరీతంగా వైరల్ అవుతోంది. జనాల్ని బాగా ఆశ్చర్యపరుస్తోంది. మరీ ఈ వింత పోస్టుపై మీరూ ఓ లుక్కేయండి.
