Viral Video: వేగంగా వెళ్తున్న బైక్‌పై విన్యాసాలు.. చివరకు ఆ యువకుడి పరిస్థితి ఏమైందంటే..

ABN , Publish Date - Sep 29 , 2024 | 11:35 AM

సోషల్ మీడియా జనాలను ఆకట్టుకునేందుకు కొందరు రకరకాల ప్రయత్నాలు చేస్తుంటారు. తమ ప్రాణాలను సైతం పణంగా పెట్టి ప్రమాదకర స్టంట్లు చేస్తుంటారు. వేగంగా వెళ్తున్న బైక్ మీద రకరకాల విన్యాసాలు చేస్తుంటారు. తాజాగా ఓ కుర్రాడు అలాగే కదులుతున్న బైక్‌పై పుషప్ప్ చేశాడు.

Viral Video: వేగంగా వెళ్తున్న బైక్‌పై విన్యాసాలు.. చివరకు ఆ యువకుడి పరిస్థితి ఏమైందంటే..

boy doing pushups on a bike

సోషల్ మీడియా జనాలను ఆకట్టుకునేందుకు కొందరు రకరకాల ప్రయత్నాలు చేస్తుంటారు. తమ ప్రాణాలను సైతం పణంగా పెట్టి ప్రమాదకర స్టంట్లు (Dangerous Stunts) చేస్తుంటారు. వేగంగా వెళ్తున్న బైక్ మీద రకరకాల విన్యాసాలు చేస్తుంటారు. తాజాగా ఓ కుర్రాడు అలాగే కదులుతున్న బైక్‌ (Bike)పై పుషప్స్ (pushups) చేశాడు. తన విన్యాసాలను రికార్డు చేయించి ఆ వీడియోను సోషల్ మీడియాలో పోస్ట్ చేశాడు. ఆ వీడియో నెట్టింట వైరల్‌గా మారి చివరకు పోలీసుల దృష్టికి వెళ్లింది. దీంతో ఆ కుర్రాడు మూల్యం చెల్లించుకోవాల్సి వచ్చింది (Viral Video).

@ChapraZila అనే ట్విటర్ హ్యాండిల్‌లో ఈ వీడియో షేర్ అయింది. బీహార్‌ (Bihar)కు చెందిన ఓ కుర్రాడు వేగంగా వెళ్తున్న బైక్‌పై పుషప్స్ చేశాడు. ఫుల్ స్పీడ్‌లో బైక్ నడుపుతూ పెట్రోలు ట్యాంక్‌పై చేయి వేసి కాళ్లను పూర్తిగా వెనక్కి తీసుకుని విన్యాసాలు చేశాడు. ఆ తర్వాత కదులుతున్న బైక్‌పై పుషప్‌లు చేశాడు. ఈ కుర్రాడు గతంలో కూడా బిజీ రోడ్లపై విన్యాసాలు చేసి వీడియోలు రూపొందించాడు. ఈ తాజా వీడియో సోషల్ మీడియాలో బాగా వైరల్‌గా మారి పోలీస్ అధికారుల దృష్టిలో పడింది. దీంతో వారు స్థానిక సమస్తిపూర్ పోలీసులను ట్యాగ్ చేసి ఆ కుర్రాడిని అరెస్ట్ చేయాలని ఆదేశించారు.

ఆ వీడియోలో బైక్ నెంబర్ ఆధారంగా పోలీసులు స్పందించి స్వాధీనం చేసుకున్నారు. అలాగే ఆ కుర్రాడిపై చట్టపరమైన చర్యలు తీసుకున్నారు. ఆ వీడియో సోషల్ మీడియాలో వైరల్‌గా మారింది. 43 వేల మందికి పైగా ఈ వీడియోను వీక్షించారు. ఈ వీడియోపై నెటిజన్లు తమ స్పందనలను తెలియజేశారు. ``ఈ కుర్రాడు వాహనదారుల ప్రాణాలకు ప్రమాదకరం``, ``ఇది చాలా ప్రమాదకర విన్యాసం``, ``ఇలాంటి వాళ్లు ఇతర ప్రాణాలను పట్టించుకోరు`` అంటూ నెటిజన్లు కామెంట్లు చేశారు.