Viral Video: ఆ రైతు ధైర్యానికి హ్యాట్సాఫ్ చెప్పాల్సిందే.. సింహాన్ని కర్రతో ఎలా తరిమాడో చూడండి..

ABN , Publish Date - Oct 06 , 2024 | 05:16 PM

ఎలాంటి ఆయుధమూ లేకుండా సింహానికి ఎదురుగా వెళ్లి దానిని భయపెట్టాలంటే ఎంత ధైర్యం ఉండాలి. కేవలం ఓ కర్రతో ఓ వ్యక్తి సింహాన్ని తరిమికొట్టాడు. ఆ వీడియో సోషల్ మీడియాలో వైరల్‌గా మారింది. ఆ వ్యక్తి ధైర్యానికి నెటిజన్లు ఆశ్చర్యపోతున్నారు.

Viral Video: ఆ రైతు ధైర్యానికి హ్యాట్సాఫ్ చెప్పాల్సిందే.. సింహాన్ని కర్రతో ఎలా తరిమాడో చూడండి..

A man reached with a stick to beat the lion

వన్య మృగాలంటే (Wild Animals) ప్రతి ఒక్కరూ భయపడతారు. సింహాలు, పులుల జోలికి వెళ్లాలంటే ఎవరైనా గజగజ వణికిపోతారు. బంధించిన ఉన్న వాటిని చూడడానికి కూడా కొందరు భయపడతారు. అలాంటిది ఎలాంటి ఆయుధమూ లేకుండా సింహానికి (Lion) ఎదురుగా వెళ్లి దానిని భయపెట్టాలంటే ఎంత ధైర్యం ఉండాలి. కేవలం ఓ కర్ర (Stick)తో ఓ వ్యక్తి సింహాన్ని తరిమికొట్టాడు. ఆ వీడియో సోషల్ మీడియాలో వైరల్‌గా మారింది. ఆ వ్యక్తి ధైర్యానికి నెటిజన్లు ఆశ్చర్యపోతున్నారు. తన పొలంలోకి సింహం రాకుండా ఆ వ్యక్తి అడ్డు నిలిచినట్టు కనబడుతోంది (Viral Video).

officialbharat అనే ఇన్‌స్టాగ్రామ్ హ్యాండిల్‌లో ఈ వీడియో షేర్ అయింది. వైరల్ అవుతున్న ఆ వీడియో ప్రకారం.. ఓ భారీ సింహం అడవి నుంచి పొలాల్లోకి వెళ్లడానికి ప్రయత్నిస్తోంది. ఆ సమయంలో ఓ వ్యక్తి చేతిలో కర్ర పట్టుకుని ఆ సింహానికి అడ్డుగా నిలిచాడు. కర్రతో సింహాన్ని అదిలించేందుకు ప్రయత్నించాడు. ఆ సింహం పలుసార్లు అతడిపై దాడి చేసేందుకు ప్రయత్నించింది. అయినా ఆ వ్యక్తి భయపడకుండా ధైర్యంగా ప్రవర్తించాడు. చివరకు ఆ సింహం ఆ వ్యక్తికి తలొగ్గి అతడి సూచనలు పాటిస్తూ వెనక్కి వెళ్లిపోయింది. ఆ ఘటనకు సంబంధించిన వీడియో నెట్టింట హల్‌చల్‌గా మారింది.

వైరల్ అవుతున్న ఈ వీడియోను ఇప్పటివరకు మిలియన్ల మంది వీక్షించారు. 71 వేల మందికి పైగా ఆ వీడియోను లైక్ చేశారు. ఆ వీడియోపై నెటిజన్లు తమ స్పందనలను తెలియజేశారు. ``సింహాన్ని తన పొలంలో చూసి ఆ రైతుకు చాలా కోపం వచ్చినట్టుంది``, ``చూస్తుంటే ఆ వ్యక్తి మౌంటెన్ డ్యూ తాగినట్టు ఉన్నాడు``, ``మద్యం మత్తులో ఉన్నాడేమో``, ``ఇది పవర్ ఆఫ్ ది కిసాన్``, ``సింహం అతడిని చూసి భయపడింది`` అంటూ నెటిజన్లు కామెంట్లు చేశారు.