Viral Video: వామ్మో.. ట్రంప్ అంటే కోపమా? ఒక్క తన్ను తంతే టీవీ స్క్రీన్ పగిలిపోయింది.. వీడియో వైరల్..

ABN , Publish Date - Nov 09 , 2024 | 01:54 PM

అమెరికా అధ్యక్ష ఎన్నికల్లో ట్రంప్ విజయాన్ని డెమోక్రాట్ అభిమానులు జీర్ణించుకోలేకపోతున్నారు. సోషల్ మీడియా వేదికగా తమ అసంతృప్తిని వ్యక్తం చేస్తున్నారు. ప్రస్తుతం వైరల్ అవుతున్న వీడియోలో కొందరు యువతులు ట్రంప్‌పై తమ ఆగ్రహాన్ని తీవ్రంగా వెల్లడించారు.

Viral Video: వామ్మో.. ట్రంప్ అంటే కోపమా? ఒక్క తన్ను తంతే టీవీ స్క్రీన్ పగిలిపోయింది.. వీడియో వైరల్..

Girl kicks Donald Trump’s face on TV

అత్యంత హోరాహోరీగా జరిగిన అమెరికా ఎన్నికలు (US Elections) ముగిశాయి. అత్యధిక ఓట్లు సాధించిన డొనాల్డ్ ట్రంప్ (Donald Trump).. కమలా హ్యారిస్‌పై విజయం సాధించి అమెరికా అధ్యక్ష పీఠం దక్కించుకున్నారు. ట్రంప్ విజయాన్ని డెమోక్రాట్ అభిమానులు జీర్ణించుకోలేకపోతున్నారు. సోషల్ మీడియా వేదికగా తమ అసంతృప్తిని వ్యక్తం చేస్తున్నారు. ప్రస్తుతం వైరల్ అవుతున్న వీడియోలో కొందరు యువతులు ట్రంప్‌పై తమ ఆగ్రహాన్ని తీవ్రంగా వెల్లడించారు. వారి ధాటికి ఏకంగా టీవీ (TeleVison) పగిలిపోయింది. ఆ ఘటనను వీడియో తీసి సోషల్ మీడియాలో పోస్ట్ చేశారు. ఆ వీడియో నెట్టింట వైరల్ అవుతోంది (Viral Video).

@NoCapFights అనే ట్విటర్ హ్యాండిల్‌లో ఈ వీడియో వైరల్ అయింది. వైరల్ అవుతున్న వీడియో ప్రకారం.. అమెరికా అధ్యక్ష ఎన్నికల్లో గెలిచిన తర్వాత డొనాల్డ్ ట్రంప్ విజయ ప్రసంగం (Donald Trump’s victory speech) చేస్తున్నారు. ట్రంప్ ప్రసంగాన్ని టీవీలో లైవ్ ద్వారా చూస్తున్న యువతులు విచిత్రంగా ప్రవర్తించారు. టీవీలోని ట్రంప్ మొహంపై ఓ యువతి గట్టిగా కొట్టింది. ఆ దెబ్బకు టీవీ ముందుకు, వెనక్కి కదలాడింది. పక్కనే ఉన్న యువతిని కూడా కొట్టమని బలవంత పెట్టింది. దీంతో ఆ యువతి కాలితో గట్టిగా టీవీలోని ట్రంప్ మొహంపై తన్నింది. ఆ దెబ్బకు టీవీ స్క్రీన్ పగిలిపోయింది.

టీవీ పాడైపోవడంతో ఆ ఇద్దరు యువతులు షాకయ్యారు. ఆ వీడియోను సోషల్ మీడియాలో పోస్ట్ చేశారు. ఆ వీడియో సోషల్ మీడియాలో విపరీతంగా వైరల్ అవుతోంది. ఆ వీడియోను ఇప్పటివరకు 17 లక్షల మందికి పైగా వీక్షించారు. 8.5 వేల మంది ఆ వీడియోను లైక్ చేశారు. ఆ వీడియోపై నెటిజన్లు తమ స్పందనలను తెలియజేశారు. ``నాకు తెలిసినంత మేరకు డెమోక్రాట్ మద్దతుదారుల దగ్గర చాలా డబ్బులు ఉన్నాయి``, ``అది పని చేసిందా? వాళ్లు ట్రంప్ విజయాన్ని ఆపగలిగారా`` అంటూ నెటిజన్లు కామెంట్లు చేశారు.