Viral video: దీపావళి క్లీనింగ్ సమయంలో ఈ విషయం మర్చిపోకూడదట.. వైరల్ అవుతున్న ఫన్నీ వీడియో..

ABN , Publish Date - Nov 01 , 2024 | 04:20 PM

దీపావళి వచ్చిందంటే చాలా మంది తమ ఇళ్లను శుభ్రం చేసుకుంటారు. ముఖ్యంగా ఉత్తరాదిన ఈ సాంప్రదాయాన్ని బాగా పాటిస్తారు. తమ ఇంట్లోని పాత వస్తువులను అన్నీ బయటకు తీసి క్లీనింగ్ చేస్తుంటారు. అయితే ఆ సమయంలో కొన్ని జాగ్రత్తలను సూచిస్తూ ఓ వ్యక్తి రూపొందించిన రీల్ సోషల్ మీడియాలో వైరల్‌గా మారింది.

Viral video: దీపావళి క్లీనింగ్ సమయంలో ఈ విషయం మర్చిపోకూడదట.. వైరల్ అవుతున్న ఫన్నీ వీడియో..

funny video about Diwali cleaning

దీపావళి (Diwali) వచ్చిందంటే చాలా మంది తమ ఇళ్లను శుభ్రం చేసుకుంటారు. ముఖ్యంగా ఉత్తరాదిన ఈ సాంప్రదాయాన్ని బాగా పాటిస్తారు. తమ ఇంట్లోని పాత వస్తువులను అన్నీ బయటకు తీసి క్లీనింగ్ (Diwali cleaning) చేస్తుంటారు. అయితే ఆ సమయంలో కొన్ని జాగ్రత్తలను సూచిస్తూ ఓ వ్యక్తి రూపొందించిన రీల్ సోషల్ మీడియాలో వైరల్‌గా మారింది. ఓ వ్యక్తి నడిరోడ్డులో నిల్చుని ఆ జాగ్రత్తలను మైక్‌లో అరచి చెబుతున్నాడు. ఆ మాటలు విన్న వారు నవ్వుకుంటున్నారు. ఆ వీడియో సోషల్ మీడియాలో వైరల్‌గా మారింది. sars_team అనే ఇన్‌స్టాగ్రామ్ హ్యాండిల్‌లో ఈ వీడియో షేర్ అయింది (Viral Video).

వైరల్ అవుతున్న ఆ వీడియో ప్రకారం.. ఓ వ్యక్తి నడిరోడ్డులో మైక్ పట్టుకుని ఏవో సూచనలు చేస్తున్నాడు. అందరికీ వినబడేలా గట్టిగా అరిచి చెబుతున్నాడు. ``వినండి.. వినండి.. అతి ముఖ్యమైన విషయం. దీపావళి క్లీనింగ్ మొదలవుతోంది. అంతకంటే ముందే పాత లవ్ లెటర్లు, ప్రియమైన వారు ఇచ్చిన వాచ్‌లను వెంటనే తీసి భద్రపరచండి. లేకపోతే ఇంట్లో గొడవలు మొదలవుతాయి`` అంటూ మార్కెట్లో నిల్చుని ఓ వ్యక్తి మైక్‌లో చెబుతున్నాడు. అతడు చెప్పేది వింటూ చుట్టు పక్కల వారు నవ్వుకుంటున్నారు. ఆ వీడియో సోషల్ మీడియాలో వైరల్‌గా మారింది.

ఆ వ్యక్తి చేసిన వార్నింగ్‌ను చాలా మంది ఇష్టపడుతున్నారు. ఆ వైరల్ వీడియోను ఇప్పటివరకు దాదాపు కోటి మంది వీక్షించారు. 7.5 లక్షల మంది ఈ వీడియోను లైక్ చేశారు. ఈ వీడియోపై నెటిజన్లు ఫన్నీ కామెంట్లు చేశారు. ```చాలా థ్యాంక్స్ బ్రదర్.. మీరు నాకు అసలైన విషయం గుర్తు చేశారు``, ``నాకు అలాంటి ప్రేమకథలు లేవు అన్నా``, ``వెరీ ఫన్నీ`` అంటూ నెటిజన్లు కామెంట్లు చేశారు.