Viral Video: ఇదెక్కడి కక్కుర్తి.. ఖరీదైన కారులో వచ్చి పూల కుండీని దొంగిలించిన మహిళ.. వీడియో వైరల్..

ABN , Publish Date - Oct 28 , 2024 | 07:38 PM

గ్రేటర్ నోయిడాలోని సెక్టార్-18లో ఓ విచిత్ర ఘటన జరిగింది. శుక్రవారం అర్ధరాత్రి జరిగిన ఆ ఘటన టాక్ ఆఫ్ ది టౌన్‌గా మారింది. ఓ షాప్‌ దగ్గరకు ఖరీదైన బీఎమ్‌డబ్ల్యూ కారులో వచ్చిన ఓ మహిళ పూల కుండీని చోరీ చేసి తీసుకెళ్లింది. ఆ ఘటన మొత్తం ఆ షాప్ వెలుపల అమర్చిన సీసీటీవీ కెమెరాలో రికార్డు అయింది.

Viral Video: ఇదెక్కడి కక్కుర్తి.. ఖరీదైన కారులో వచ్చి పూల కుండీని దొంగిలించిన మహిళ.. వీడియో వైరల్..

Woman Comes In A BMW To Steal Plants

గ్రేటర్ నోయిడాలోని (Greater Noida) సెక్టార్-18లో ఓ విచిత్ర ఘటన జరిగింది. శుక్రవారం అర్ధరాత్రి జరిగిన ఆ ఘటన టాక్ ఆఫ్ ది టౌన్‌గా మారింది. ఓ షాప్‌ దగ్గరకు ఖరీదైన బీఎమ్‌డబ్ల్యూ కారులో (BMW Car) వచ్చిన ఓ మహిళ పూల కుండీని (Flower Pot) చోరీ (Theft) చేసి తీసుకెళ్లింది. ఆ ఘటన మొత్తం ఆ షాప్ వెలుపల అమర్చిన సీసీటీవీ కెమెరాలో రికార్డు అయింది. ఆ వీడియోను సోషల్ మీడియాలో పోస్ట్ చేయడంతో అది కాస్తా వైరల్‌గా మారింది. ఆ వీడియో చూసిన వాళ్లందరూ ఆశ్చర్యపోతున్నారు (Viral Video).

@SachinGuptaUP అనే ట్విటర్ యూజర్ ఈ వీడియోను షేర్ చేశారు. వైరల్ అవుతున్న ఆ వీడియోలో ఓ మహిళ షాప్ బయట తన బీఎమ్‌డబ్ల్యూ కారును పార్క్ చేసింది. కారులో నుంచి బయటకు వచ్చి షాప్ బయట ఉన్న ఓ పూల కుండీ దగ్గరకు వెళ్లింది. చుట్టూ చూసి ఎవరూ లేరని నిర్ధారించుకున్న తర్వాత ఆ పూల కుండీని చేతులో పైకి లేపి తీసుకెళ్లింది. తన కారు వెనుక సీటులో ఆ పూల కుండీని పెట్టుకుని వెళ్లిపోయింది. ఆ ఘటన మొత్తం ఆ షాప్ వెలుపల అమర్చిన సీసీటీవీ కెమెరాలో రికార్డు అయింది. ఆ వీడియోను సోషల్ మీడియాలో పోస్ట్ చేయడంతో అది కాస్తా వైరల్‌గా మారింది.

ఈ వీడియోను ఇప్పటివరకు 58 వేల మందికి పైగా వీక్షించారు. 1600 మందికి పైగా ఆ వీడియోను లైక్ చేశారు. ఆ వీడియోపై నెటిజన్లు తమదైన శైలిలో కామెంట్లు చేశారు. ``పువ్వులను చూస్తే ఎవరైనా తమ క్లాస్‌ను మర్చిపోతారు``, ``వీఐపీ దొంగ``, ``ఆమె కారు కొనగలదు.. కానీ, పూల కుండీని కొనలేదేమో``, ``అవి అరుదైన పువ్వులు అయి ఉంటాయి`` అంటూ నెటిజన్లు కామెంట్లు చేశారు.