Viral Video: భారతీయ మహిళలతో పెట్టుకుంటే.. ఈవీ కార్‌ను ఇలా కూడా వాడుకోవచ్చా.. వీడియో వైరల్..

ABN , Publish Date - Dec 30 , 2024 | 07:57 PM

ఎంత కష్టమైన సమస్యకైనా సులభమైన పరిష్కారం కనుగొనడంలో మన వాళ్లు సిద్ధహస్తులు. ముఖ్యంగా భారతీయ మహిళలు ఈ విషయంలో చాలా తెలివిగా ఆలోచిస్తుంటారు. వంటింట్లో రకరకాల ప్రయోగాలు చేస్తూ చాలా మందిని ఆశ్చర్యపరుస్తుంటారు.

Viral Video: భారతీయ మహిళలతో పెట్టుకుంటే.. ఈవీ కార్‌ను ఇలా కూడా వాడుకోవచ్చా.. వీడియో వైరల్..

Jugaad Video

అవసరం అనేది నూతన ఆవిష్కరణకు (Innovation) తల్లి లాంటిది. ఎంత కష్టమైన సమస్యకైనా సులభమైన పరిష్కారం కనుగొనడంలో మన వాళ్లు సిద్ధహస్తులు. ముఖ్యంగా భారతీయ మహిళలు ఈ విషయంలో చాలా తెలివిగా ఆలోచిస్తుంటారు. వంటింట్లో రకరకాల ప్రయోగాలు చేస్తూ చాలా మందిని ఆశ్చర్యపరుస్తుంటారు. ఇప్పటికే అలాంటి ఎన్నో జుగాడ్ వీడియోలు (Jugaad Videos) సోషల్ మీడియాలో వైరల్‌గా మారాయి. తాజాగా అలాంటిదే మరో వీడియో నెట్టింట హల్‌చల్ చేస్తోంది. ఆ వీడియో చూసిన జనాలు ఆశ్చర్యపోతున్నారు. (Viral Video)

@HasnaZaruriHai అనే ట్విటర్ హ్యాండిల్‌లో ఈ వీడియో షేర్ అయింది. వైరల్ అవుతున్న ఆ వీడియో ప్రకారం.. ఓ ఇంట్లో కియా కంపెనీకి చెందిన ఈవీ కారు (EV Car) పార్క్ చేసి ఉంది. ఇంట్లో కరెంట్ (Electricity) పోవడంతో మహిళలు మిక్సీ పట్టడానికి సమస్య ఎదురైంది. దీంతో ఆ మహిళ ఈవీ కార్ బ్యాటరీ నుంచి కరెంట్ తీసుకుని చక్కగా మిక్సీ (Mixer) పడుతున్నారు. కారు బ్యాటరీకి డైరెక్ట్‌గా మిక్సీ వైర్ తగిలించి టేబుల్‌పై మిక్సీ పెట్టి పని చేసుకుంటున్నారు. ఆ ఘటనను ఓ వ్యక్తి వీడియో తీసి సోషల్ మీడియాలో పోస్ట్ చేశాడు. ఆ వీడియో కాస్తా సోషల్ మీడియాలో వైరల్‌గా మారింది.

ఆ వైరల్ వీడియోను ఇప్పటివరకు దాదాపు 6.8 లక్షల మంది వీక్షించారు. ఐదు వేల కంటే ఎక్కువ మంది ఆ వీడియోను వీక్షించి తమ స్పందనలను తెలియజేశారు. ``ఈవీ కార్లను కనిపెట్టిన వారు కూడా ఇది ఊహించి ఉండరు``, ``భారతీయ మహిళలు ఏదైనా చేయగలరు``, ``ఈ కారును ఇన్వెర్టర్‌లా ఉపయోగించుకోవచ్చనే తెలివితేటలు అద్భుతం`` అంటూ నెటిజన్లు కామెంట్లు చేశారు.