Viral Video: ఇదెక్కడి విడ్డూరం.. భార్యను అలా.. కొడుకును ఇలా.. ఆ వ్యక్తి తీరు చూస్తే ఆశ్చర్యపోవాల్సిందే..

ABN , Publish Date - Nov 24 , 2024 | 10:40 AM

ఏ తల్లిదండ్రులైనా పిల్లల భద్రతకే మొదటి ప్రాధాన్యం ఇస్తారు. అయితే ప్రస్తుతం వైరల్ అవుతున్న వీడియోలోని వ్యక్తి మాత్రం భిన్నంగా ఆలోచించాడు. భార్యను చక్కగా ముందు కూర్చోబెట్టుకున్నాడు. పిల్లాడిపై లగేజ్ వేసి వెనుకాల కూర్చోబెట్టాడు.

Viral Video: ఇదెక్కడి విడ్డూరం.. భార్యను అలా.. కొడుకును ఇలా.. ఆ వ్యక్తి తీరు చూస్తే ఆశ్చర్యపోవాల్సిందే..

Funny viral Video

సాధారణంగా బైక్ (Bike) మీద వేళ్లటపుడు పిల్లలు సురక్షితంగా ఉండేలా జాగ్రత్తలు తీసుకుంటారు. భార్యాభర్తలు (Parents) వెనుక కూర్చుని పిల్లలను (Child) ముందు కూర్చోబెడుతుంటారు. పిల్లల భద్రతకే మొదటి ప్రాధాన్యం ఇస్తారు. అయితే ప్రస్తుతం వైరల్ అవుతున్న వీడియోలోని వ్యక్తి మాత్రం భిన్నంగా ఆలోచించాడు. భార్యను చక్కగా ముందు కూర్చోబెట్టుకున్నాడు. పిల్లాడిపై లగేజ్ వేసి వెనుకాల కూర్చోబెట్టాడు. బైక్ డ్రైవ్ చేస్తూనే వీడియో తీసుకుని దానిని సోషల్ మీడియాలో పోస్ట్ చేశాడు. ఆ వీడియో కాస్తా సోషల్ మీడియాలో వైరల్‌గా మారింది (Viral Video).

rajeevrama204 అనే ఇన్‌స్టాగ్రామ్ హ్యాండిల్‌లో ఈ వీడియో షేర్ అయింది. వైరల్ అవుతున్న ఆ వీడియో ప్రకారం.. తెల్ల చొక్కా ధరించి బైక్ నడుపుతున్న ఓ వ్యక్తి మరో చేత్తో మొబైల్ పట్టుకుని వీడియో తీస్తున్నాడు. ఇంకా ఆసక్తికరమైన విషయం ఏంటంటే.. ముందున పెట్రోల్ ట్యాంక్‌పై భార్యను కూర్చోబెట్టాడు. వెనుక పిల్లాడు కూర్చున్నాడు. ఆ కుర్రాడు భారీ డ్రమ్మును పట్టుకుని కూర్చున్నాడు. సాధారణంగా ఎవరైనా తమ భార్యను వెనుక, పిల్లలను ముందు కూర్చోబెడతారు. కానీ, ఈ వ్యక్తి మాత్రం పిల్లాడిని రిస్క్‌లో పెట్టి జర్నీ చేశాడు. ఈ వీడియో సోషల్ మీడియాలో వైరల్ అవుతోంది.

ఈ వైరల్ వీడియోను ఇప్పటివరకు దాదాపు 10 లక్షల మంది వీక్షించారు. 85 వేల మందికి పైగా ఈ వీడియోను లైక్ చేశారు. ఈ వీడియోపై నెటిజన్లు ఫన్నీ కామెంట్లు చేశారు. ``అతనికి ప్రపంచం తలక్రిందులుగా కనిపిస్తోంది``, ``కొడుకు కంటే భార్యే ముఖ్యం అనుకుంటా``, ``అతడికి మతి పోయిందేమో``, ``వెనుక కూర్చున్న కుర్రాడు ప్రమాదంలో ఉన్నాడు`` అంటూ నెటిజన్లు కామెంట్లు చేశారు.