Viral Video: వీడు భర్త కాదు.. రాక్షసుడు.. చికెన్ కూరలో మసాలా తక్కువైందని భార్యను కిటికీ నుంచి తోసేశాడు!
ABN , Publish Date - Apr 01 , 2024 | 02:16 PM
పాకిస్థాన్‌లోని లాహోర్‌లో ఓ ఘోరం చోటు చేసుకుంది. భర్త, అత్తమామల రాక్షసత్వానికి ఓ మహిళ దారుణ అనుభవాన్ని చవి చూసింది.
సమాజం, నాగరితక ఎంతగా అభివృద్ధి చెందుతున్నా ఇంకా కొన్ని చోట్ల మహిళలు వేధింపులు (Harassment) ఎదుర్కొంటూనే ఉన్నారు. భర్త, అత్తమామల పైశాచికత్వాన్ని భరిస్తూ కష్టాలు పడుతున్నారు. తాజాగా పాకిస్థాన్‌ (Pakistan)లోని లాహోర్‌లో ఓ ఘోరం చోటు చేసుకుంది. భర్త, అత్తమామల రాక్షసత్వానికి ఓ మహిళ దారుణ అనుభవాన్ని చవి చూసింది. చికెన్‌లో (Chicken) మసాలా ఎక్కువ వెయ్యలేదని చెప్పి మహిళను భర్త (Husband) కొట్టి, మొదటి అంతస్థు నుంచి కిందకు తోసేశాడు (Viral Video).
ఆ మహిళ కింద పడుతున్న దృశ్యాలు సీసీటీవీ కెమేరాలో రికార్డు అయ్యాయి. లాహోర్‌లోని నోనారియన్ చౌక్‌లోని షాలిమార్ రోడ్ సమీప ప్రాంతానికి చెందిన మరియమ్‌ను బాధిత మహిళగా గుర్తించారు. మార్చి నెలలో ఈ ఘటన జరిగింది. చికెన్‌లో మసాలా తగినంత వేయలేదని భర్త, అత్తమామలు ఆ మహిళపై కేకలు వేశారు. ఆమెను కొట్టి మొదటి అంతస్థు నుంచి కిందకు తోసేశారు. ఆమె రోడ్డుపై పడి బాధతో కేకలు వేసింది. స్థానికులు ఆమెను కాపాడేందుకు వచ్చారు. ఈ ఘటనలో ఆమె కాలికి గాయమైనట్టు సమాచారం.
పోలీసులు కేసు నమోదు చేసి ప్రధాన నిందితుడితో పాటు కుటుంబ సభ్యులను కూడా అరెస్టు చేశారు. ఈ ఘటనకు సంబంధించిన వీడియో చూసిన వారు ఆగ్రహం వ్యక్తం చేస్తున్నారు. ``ఇప్పటికీ ఇలాంటి దారుణమైన వాళ్లు ఉన్నారా``, ``ఇంత చిన్న విషయానికి అంత పెద్ద శిక్ష వేస్తారా``, ``స్త్రీలను హింసించే హక్కు ఎవరు ఇచ్చారు``, ``ఒకరికి కఠినమైన శిక్ష విధిస్తే మిగిలిన వారు దారిలోకి వస్తారు`` అంటూ నెటిజన్లు కామెంట్లు చేశారు.
